خلف جُدران الأزِقة (مكتمله )

44

. خلف جدران الأزقة

. ريام الساعدي

. البارت ال 44

🦋

يكللها:
لسويلچ الجآن و الماجآن
وآجيبن گمر بالنيشآن
و اخلي ولآيتي متنآم
وآسوي الحنة ست ايآم

🦋❤ .....

:: ترفضين ؟

:: جريت الكرسي وكعدت ارفض
طبعا ..

:: انصعق من جوابي ومسح كصته
خله ايده ع رف وانتجه يحاول
يسند نفسه الي اختل توازنها كوه
كدر يسيطر ع ثباته وهو يتصنع
الهدوؤء جاوبني

أسامه :: للحظه تأملت خير ..

: هالمره ماراح اعوف جوابي ناقص
وراح انطيك السبب الرئسي وحته
اطلعك من دوامه التفكير رفضي
ماله علاقه بموقف امك .. وأنما ▪︎

:: شنو

:: المكان مو مناسب ..

:: تمام .. الوو بان تعاي للصيدليه
راح نطلع ..

:: نطلع ؟

:: اي اذا مجان عندج مانع مادام
الحجي يطول اعتقد احنه كبار
واعين ولازم نحل المسأله اكيد
الكتم والهروب مو حل نهائي..

:: بس اسامه ..

:: لا بس ولاهم يحزنون اسمحيلي
اعزمج بمكان وياريت ما تعترضين
اكو هواي كلام لازم ينكال ..

:: زفرت بحيره احس شي كاتم ع
كلبي اجتي بان كالت اني حبقى
انتو اطلعوا .. كمت اخذت جنطتي
باوعتله راح يأجر تكسي .. قلصت
عيوني وتسائلت بدهشه .. ماعندك
سياره ؟

:: التفت وهو يضحك ..اي ماعندي

:: باوعت بتعجب .. غريب ..

:: شنو الغريب بالموضوع قصدج

: لااا يعني نظرا لأمكانيه اهلك ف
استغربت ع عموم اسفه ..

:: لا تتحسيين عادي تره احنه بشر
والتعحب والتدخل من صفاتنه محد
يكدر يمنع فضوله اذا ع هل حال
راح تمشي ونتأسف للرايح والجاي
اما موضوع السياره ف عندي فوبيا
من الصغر صار حادث قديم واني
صغير وبسببه اخاف اسوق سياره
شفتي كلنا عدنا خوف لهسه ممتجاوزه
ماكو داعي اخجل من الأعتراف ..

:: سكتت اجر تكسي وانطاه اسم
مطعم طول ماهو صاعد الأبتسامه
ممفاركه وجه يكول رابح جائزه اما
اني ف جنت افكر بالكلام الي راح
اكوله اعيد و ارتب الحوارات داخل
عقلي منين ابدي وين راح انتهي
باوعت للساعه خمسه ونص العصر
طلعت موبايلي حته انطي خبر
للبنات بس تفاجأت بيهن طالعات
رجعت اخابر بيبي حته ابلغها و
كالت لا تتأخرين وصلنا لمكان
كلش حلوه ونفهه نزل وفتحلي
الباب وسوه حركه مثل الامراء
من يشوف الأميره انثنى ولوح
بيده بمعنى اتفضلي  دخلت وياه
كعدنا طلب عصير فريش وبعدها
بده الحوار بينا حجيت كلشي
ماضي والاحداث الي صارت
وختمتها بفرحتي برجوع خواتي
ولم شملنا من جديد الشي التمنيته
طول حياتي جمعتنا ع الاكل صياحنا
عركنا ساعه نضحك ساعه نبجي
نذكر سلبياتنه ونعاتب بعض ومرات
نساند بعض هواي امور حجيتها
اخر شي ختمتها برفضي بفكرة
الزواج .. كال ..