خلف جُدران الأزِقة (مكتمله )

البارت الـ 26

خلف جدران الأزقــــــة

. ريام الساعدي ...

. البـارت الـ 26..

يَمعوده العِيون البيجّ دَوخَتنه
بِحلم وردّي وخَضارّ ومايّ سَفرتنه
رِجيجة گلوبنهْ بسّ حگنه من انِكول
فِدوا تروحّلج نسوانْ ديرتنهَ 🖤"

🕊🌿..

...

ـ وريده حفي المره بدالي هلااا وميه هلا بيج
حبيبه يمه فلك طرج ؏ جمال هذا شني شارده
من الجنه اگول تعاي للصالون مالتي اشوفج
الهن ؏ أبو شغل أيدي هذا شعرج وين صابغته
وعيوناتج حقيقه انتي من وين وشعندج هنا
شتقربين لسوزانه يااا ماتحجين بس لااا خرسه
... الوو هااا اي وصلت هاي گدامي اگلج هاي
الڪاهيه منين.. خاب وجعه أمي خووش خووش
ما نسأل؟ تنعرف السالفه شگد راح تبقى مضمومه
وين اڪو سر ينضم بالحواسـم اعرفه

... لج اني فله والأجر ؏ الله فوتي حبيبه

غيد: ࢪاسي مسطور ودايخه ولعبانه نفسي وهاي
الأسمها فله حجت الف ڪلمه بالدقيقه وغيرها
نسوان جيرانهم طلعت وجهال دايري خبصتهم
ردت بس احد ينقذني منهم وڪل شويه عاطت
وريده ونوب اجتي وحده تصيح هاي بتج خربت
حاجبي عافت الحاجب وجلبت بيه والثانيه اجاهه
طفل ابويه يريدج.. الخبز احترك ماادري سويت
انقلاب بالحواسم... اتصلت سوزان بهاي فله عاد
اجاني الفرج اخيرا

ـ سحبتني من يمهم وصاحت يلاا بيتك بيتك
ڪششش عااا طششن مهروش وطاح بڪروش
ماشايفات خلق تعالن يمي واسويجن احلا منها
هو غير شغل ايدي بس ها السعر يختلف يعني
الي تريد تطلع مثالها اخذ هواي خاف ما تگولن
ڪلشي بحسابه بالورق .. شگد تحبن تدخلن
امشن ماصدگتن غدي..

ـ مدت ايدها من فوگ الباب سحبت خيط وانفتح
جان باب طلاقتين
لونه نفطي زمزنجر ومگصوص من النص شويه
وشادينه بسيم ثخين اول مدخلنا صارت بوجهنا
طرمه گاعدها مو عدله وبيها ڪاشي ملون لا
نفس الحجم ولا اللون تلزيگ ونص صبابه وتراب
التفتت عليه فله وگالت..

ـ اي حبيبه فوتي تعاي أدليج..

ـ هذا الحمام عيويناتي انتي حبيبه