خلف جُدران الأزِقة (مكتمله )

البارت الـ 30

. خلف جدران الأزقــــــة

. ريام الساعدي

.. البارت الـ 30

. المتعَلم على وُجع يِستغَرب الراحَة

🕊🌿...

سـوزان : ابو ســبع مااجه هذا اللقب فجأه..

من يوم الأجتي غيـد عدنا وهو متولي
مسـؤليتها بحيث أجه وگال ڪل فلس
دفعتي يرجعلج لأن اني طلبت منج تجي
لهنا ف أتحمل ڪل مصاريفها وشگد تعارڪت
وياه عنادي قفل مثل ما متحمل نص مصاريف
البيت ويحس نفسه ثگيل لأن گاعد بمڪان
مو ملڪه ويتحسس من سالفه هو گاعد بيت
مرت ابوه وتصرف عليه هواي انذال يستغلون
هاي الشغله ضده ويعيرونه بيها أخر مشڪله
صارت ويه شبيب وأهلهه قبل سنتين المسڪين
من حرگه گلبه جان يفازع لأبوه عمه شمرله حجايه
گاله الأگعيدي هم حساب نفسك رجال فزز ڪل
عصب برأسه وصارت ؏ اثرها مقاطعه ويه بيت
جده لهذا مااضغط عليه واخلي يشارڪني
حته اخلصه من هذا الشعور.

.. اڪو مقوله يگولها دائما سوي خير تجيك
خيرات بداله واني اضحك اگوله غلطان خيرا
تعمل شرا تلقى ياشر للسما ويگول ڪلشي
بحسابه هناك تتسجل والعوض أحلى الي
فوگي واعبده رب ڪريم ورحمته اڪرم
يقينه وڪلامه وقوة أيـمانه وترديده لڪلمه
المؤمن مبتلى هو جان عمره إصغير بس افعاله
اڪبر طول عمري حاسبته اخويه الصغير وهو يشوفني اخته الجبيره مايمر يوم اذا ما يفاجأني
بتصرفاته الي تڪبره بعيوني اڪثرر واڪثر
ذڪي لماح صادق طيب زاهد مايعرف يگول
لا لأي احد رغم ما عاش طفولته من الناس
ڪان أب لأبوه اتقن هذا الدور بشڪل رهيب
بحيث عوض مڪانه صار هو يشتغل ويصرف
؏ البيت ويشوفه شنو محتاج دوم يـسأل
ويوادد الناس المقربه ويغطي ؏ شبيب بعد
مادفن نفسه بمقبرة الماضي وصار يعبر ؏ حزنه
بأي وسيله تضمد جروحه ناسي الدره الي عدنه بسببه تجردت منه طفولته حته حرم نفسه من
ڪلمه بابا في سبيل لا يأذي الشخص للي يحبه يرڪض للغريب قبل القريب..

.. بعد رجعتنا من الدڪتوره وعرفنا بيهه ابنيه
قررت احجي واعرف شنو سالفته ويه فله
وليش يصيحها هواي طلعنا بره نحجي وتخبلت
من سمعت الي ناوي عليه وصرت ألوم بيه بس
هو جان مصمم وبأصح العباره يگول أگطم رأس
العربيد بعد مانطلعه من زاغوره.. زين انت شوكت
خططت شلون اجا ؏ بالك ڪل ذني سألتهن اله
بنص الحجي شفت غيد تقربت مني وعدها شك
واجتي تسأل شڪوو..

علي حيدر : مثلا شڪو؟

غـيد: مااعرف احس ضامين عليه فد شي دتحجون بسڪوت..

.. لو اڪو شي متعلق بيج جان گلته بوجهج
تره أحنه هم عائلته بيت وعدنا أمور خاصه
اعتقد ما تعنيج..