خلف جُدران الأزِقة (مكتمله )

33

. خلف جدران الأزفة

' ريام الساعدي

' البارت ال ٣٣

🦋

ومنين كُل هذا الدِفو
وشدعوه هلگد دافية ؟
اخذي عافيتي ولو ،
بيه قليل العافيه
اسم الله لو هبّ الهوا
وفَزز گصايب غافيه .

_ ادهم عادل

🕊🦋 ...

مهدي  : موتي ع ايدجن بنات مديحه
بلا هاي طلعة تطلعيها

زمن : احسن نضرب عصفوين بحجر
هيجي هو راح يعرف

:: اي وتصغريني كدام صاحبي هسه
شيكول عليه

:: واني شعليه مافوك المصايب كله
من وراه اخوه نوب اراعي مشاعره
وبعدين قبل لا انضرب مو جنه
مقررين نروح لغيد ونحجيله كلشي
شتغير ..

  
:: مااتغير شي بس يعرف مني بالاول
وجنت اريد اكوله قبل لا نروح بس
حضرتج سبقتيني ادري شوكت
ركضتي وصحتي

: هو من انطيتكم خبر وكفت بالباب
اتصلت بيه يجي فات شافها هسه
انت ع شنو مكبر الموضوع حجينالهه
القصه وعرف أوادمه عود اذا يزعل
انت تراضي

:  حلتها ام العريف امشي نطب يمهم

مهدي : فتت الكل كاعد وغيد بصفه
هو لازم ود ويحض بيها رمقني بنظره
غضب وهو يستمع الها كالت اله كلشي
لحد يوم الولاده

هيثم : ليش ماخابرتي رجعتي الهم
هيج شايفتني مو كفوو احميج
من أهلي

:: نزلت راسها وابو سبع اتدخل بدون
مايجرح مشاعره

علي حيدر :  اذا تسمحلي خويه بس
اكو شغله متعرفها اخوك متورط ويه
ناس شرانين ودك بيهم الناقصه وغيد
شاهده وكل هاي الفتره جانوا يحومون
يمكم وانت طالب كليه عسكريه ما
متواجد دوم واعذرني ع كلامي بس
اهلك مالهم امان ولا رداد امك واخوك
متجاوزين كل الخطوط محد رادعهم
وانت اكثر العارفين ومااريد احجي
اهل مكه ادرى بشعابها

:  قصدك الوالد ماله اي سلطه علينا
واخواني كل واحد بصوب وماشي
ع كيفه مااراح اجذبكم لان هاي
حقيقتنا المضمومه واني من الناس
جنت عايش وياهم بس بالأسم
طول عمري يا يم جدي او بيت
اهلي هنا ام حيدر امي ومهدي
واخوانه اخوتي اعتبرهم الله وكيلك
يسألون عليه اكثر من الي مخلفيني
ميحتاج اي اعذار

زمن : من دون كل الحديث من كال
كلهم اخوتي ركزت ع هيفاء احتقن
وجها وعيونها غرغرت مبينه حيل
تحبه والحب راح يشلع كلبها لأن
من طرف واحد وهيثم مايشافيها
غير اخت مسكينه تتصارع ويه
نفسها من تكتكم هاي المشاعر
ادعي ربي يفرجها عليها ويلتفت
الها