خلف جُدران الأزِقة (مكتمله )

بارت 53 /ج3

خلف جدران الأزقـه 🌼

. ريـام السـاعدي

ـ الجزء الأخيــر

🕸🌼

ـ كل لحظة من هذا العمر
وعّت حسافة بگلبي
يا اول الريحان
يلعطيت نوبة بدربي
يا اخر سواچي حنيني وحبي
من يوم طيفك هجر نومي ما نمت !
حنية يا چذاب
منك ما شفت
من ظني
اكضك بالحلم
عنبر فحت
من ردت اجيسك
جست روحي وفرفحت

مظفر النواب 🤎

🌼🌼🌼

شمس // أول مَرة أحس بروحي جاي تِنهار أول مَرة تغيب شَمسي بالنَهار...

ـ حطيت ايدي ؏ حلكي مصدومه
لاااا مستحيل شمس شلون فاتتج
هاي ليش مااتذكرتي ليش ماانتبهتي
شگد مر وقت وين عقلج جان ليش
معقوله اكو ابنيه تنسى بالوقت الي
قررتي تاخذين موقف وتشترين راحتج
يصير هيج..

ـ ايدي ع بطني مصدومه تشتتت
كل افكاري هسه شنو شسوي المن
احچي والمن اگول ضعت بهوسه
محد يعرف تاليهه بس اسئلة ما
الها اي جواب شافي توقيت غريب
مالگيت غير النوم وسيله هروب
اليه 3 ايام واني حالي مگلوب گلاب
خايفه ومتوتره من الجاي وشنوو
نتائجه احس روحي عندي امتحان
ورايحه واني مقاريه ولا كلمه واعرف
نفسي مراح انجح بيه..

ـ هو قرار ان چان صح لو غلط ماادري
بدون تفكير لزمت مبلغ من الفلوس
وخليته بجنطتي وحطيت كم قطعه
ملابس واخذت عقد الزواج وياي
وطلعت من فجر وين اروح اختاريت
اكثر مكان الناس تروحله اول ماوصلت
شفت عبريه تصيح كربلاء دخلت ب
السياره وانطلقت لوجهه مجهوله..

♥♥

زمن : من احلا ايام حياتي الي جاي
اعيشها ايام وايام ماڪو منها حته
ب احلامي شفت جانب كلش حلوو
بصادق انسان طيب ومتواضع وحنون
عليه و ؏ ابني وابنه بعيدا عن ڪل
المشاكل للي قررنا نتجاهلها من الناس
المؤذيه سدينا بابنا عنهم لا انريد
نعرف عنهم شي ولا نسمع احسن شي
واحد يدور راحه باله..

ـ ثاني يوم متعوده قبل لا اروح للدوام
مريت ع بيبي اشوفها وهم شمس كلش
شاغله بالي وضعها دوم بعقلي فتت
للبيت اول مره ماتتلگاني حته لو نايمه
بس هي من تسمع جايه تنزل بس هالمره
غريب عبالي مريضه لو بيها شي صعدت
للغرفه دگيت الباب مره مرتين هم ماكو
جواب قلقلت بالزايد وقررت افتح الباب
ومن شفته ماكوو سويت الوضع طبيعي
ودخلت لبيتهم تلگتني دنيا وسحر وخاله
ام حيدر جاريت الأمور مثل ماهي بس
تأكدت هي ماڪو وصاير شي وياهه..