خلف جُدران الأزِقة (مكتمله )

31

. خلف جدران الأزفة

.ريام الساعدي

. البارت ال 31

🌿🦋

خل اعلمنك #نصيحه
وأنت خلها بين #اديك
اليحجي يمك على #غيرك
يحجي يم غيرك #عليك

المايعرفك مايثمنك واليثمنك هم يبيعك
واليبيعك لاتأمن يشتريك عيش مثل الشمس
وحدك تحرگ بروحك ولك تفتر الدنيا وتجيك ..

🌿🦋

:: هذا الأريده منج تدبريها لولا ؟

فلة : أحبيب كلبي صدك جذب انا
جسر للطيبين وطسه للنواقيص

علي حيدر : جيد احنه نرديهن الاثنين
الجسر والطسه سوه

فله : كول وفعل ع هل حاجب قابل
اكول ع شواربي واني حفافه مترهم
سبع الحواسم

:ههههههه سبع عتوي بكيفكم

:: فدوه اروحلك احبيب كلبي طبعا
سبع وراجل وسيدي الرجاله كمان
يوميه افتح زخمتي وادعيلك

:: احمم دسديها ولا تحملينه ذنوب

:: تؤمررني امرر تاج الزلم

علي حيدر : جان ضروري اتحرك خطوه
مسأله اراقب من بعيد بدون تدخل هاي
صعبه والأصعب اني بعيد كلش همه
عائلته بيت شمعرفني شيصير بينهم
كاعد اتابع فلم اني وعسكر و صارت
كبالي لقطه واحد زرع جاسوسه بيت
وهنا اجتني فكره اخلي فله بنصهم

.. من بعد تفكير طويل ودراسة حاجيتها
خاصه من ام الولد من النوع الي تحب
الفخفحة الزايده وتتفاخر سهلت مهمتي
وفله عز الطلب بت سوك وهاي شغلتها
تقنع المقابل جبتها وحطيتها اذن اليه
بنصهم

:: الحجي الوصلني كالأتي كايل الهم
اني ذبيتها ع أهلهاوسافرت وماادري
مأجره شقه من ورايه بس هيثم واكف
وياهه وممصدكه وضاربه وكله اذا
حجيك صح شلون لكيناك هناك السكط
ابن السكط كايل خابرتني تكول الحك
راح يعتدون عليه واني صدفه طبيت
لبغداد اجيت ركض وضربوني فلم
هندي

:: ردت واحد خير بيهم مالكيت الاب
واحد سرسري ساقط زايحتة الكاع
بنص المشاكل ويدور نسوان والاخ
الجبير مايختلف عن ابوه نفس الطينه
والاخت مسمومه باقي بس هيثم وهذا
مل منهم وطلع بشقه وحده ومعاديهم
كله لا تحل ولا تربط والام راكبه العائله
رجعه غيد لبيتهم دمار الها ولأختها
هيج نماذج كلشي يطلع منهم وهنه
مالهن احد اذا نريد نحكهم من يطلع
وراهن مسكينات ماعدهن سند وحده
فقيره ولخ بطرك اللسان

مهدي : حلوو لهنا وخوش هذا النكس
شلون وصلتلة

علي حيدر : نكدر نكول هو اجاني
اني مارحتله