خلف جُدران الأزِقة (مكتمله )

36

. خلف جدران الأزفة

. ريام الساعدي

. البارت ال 36

🦋

. طشت اسنين المحبه
   ومن بگاياهن شلم !!!

:: يبنيه ؟ اكعدي جاي تسمعين ما
ترد هاي

:: مابيها شي وكعت من أقر العصف
مال الأنفجار شكد راحوا ضحايا
ومصابين واكو حالتهم خطر ادري
وين جانت مضمومه الهم الله
يساعد كلب أهاليهم فاجعه الي
صار

:: الواحد صار ما يأمن ع نفسه من
يطلع يخاف ع يا ساعه تجي وحده
من التايهات شي حزام ناسف وين
مفخخه اتطك واطشرهم وانوب علينه
هذوله جماعه بوش يفترون وره
أوليداتنه واهكيلهم كله سجن وبعد
لو يجي مدري منو ماتلكاه

:: اي لاعاب حلكج كعديه وهاي بتها
وين

:: يم مرت ابني اخذتها بره خطيه
فرفحت من البجي ربك لطف بيهم
انه هم راحت روحي من سمعت
الطكه وخطيه ركضت عليها من
شفتها طايحه هي والفرخة

غيد  : بين اليقضه والنوم اسمعت
هاي الحوارات بدون ما افرون منو
حسيت بأيد طبطب ع خدي ضربات
خفيفه وصوت يصيح بأذني حته
أكعد بديت افتح عيوني شويه شويه
وضحتلي الرؤيه ..اني وين وشنو هذا
المكان لحد ماشفتهة كمت مخروعه

:: اسم الله الرحمن عليج ها عيني
شلونج

:: حجيت بصوت دامع عفيه بنتي
بنتي وينها شصاار

:: علكيفج توج طالعه من كارثه هاي
ابنيتج مابيها بس العافيه شحلاتجن
سبحان الله الخالق امريكيات دكول

:: لحظه استيعاب انو صار أنفجار
من طمنت ع بنتي صارت كدامي
كمت اصررخ

:: زوجي زوجي راااح علييي مااات
هوو جان هناااك ماتت موو مااات
ويننه

:: دكولي يالله حبيبه هواي ناس
جابوا انشاءالله مابي شي كل
الي جانوا هناك يمنه بالمستشفى
شدي حيلج سباعيه كومي دوري
عليه بعد انه اروح خيه اجيت
وياج من شفتج واكعه بنص الشارع
وبيدج طفله ماهان عليه اعوفج
وهل ضليت كاعده لحد ماردلتج
عافيتج يلا يمه الله يطيب كلبج
وتقر عينج بشوفت أحبابج ..

:: مثل التايهه اخذت بنتي ورحت
ادور بالوجوه .. دم .. صياح ..بجي
انكلب المكان كلاب كلمن عينه ع
فقيده هذا اليحمد الله لأنو مابيه
شي وهذا اليشك ثوبه لأن راح
يزفه شهيد

:: فقدت أخر ذره بيه رحت مثل
الميته أخذت بنتي وكرفصت
بالزوايه ودموعي بس هي التحجي
محد جان بحالي غيره المره الي
غيرتها ماسمحت الها تشوف ابنيه
واكعه بالشارع وتعوفها .. مااعرف
شكد مرر وقت واجاني صووت
هاي خالي لكيتها