خلف جُدران الأزِقة (مكتمله )

البارت الـ 25

خـلف جـدران الأزقـــــة

ـ ريـام السـاعدي ...

ـ البـارت الـ 25 *

ـ ولا مره صفينه رفوف عـد عطار ۦ💔

...

ـ راح أموت شگد نحجيها هاي الڪلمة بحياتنا
اليوميه وبمواقف معينه صار أمر مفرح گلنا
متنا من الفرح واذا العڪس متت من الحزن
متت من الوجع متت من القهر.. الخ شگد
نذڪر الموت بس ياترى نفهم شنو معنى هاي
الڪلمه وشنو هو الموت؟ غير هو أنتهاء
الحياه في الدنيا وبداية الحياة في الأخرة
الموت هو أنفصال الروح عن الجسـد عند
سڪرة الموت ينلجم اللسان عن النطق وتفتح
العين الثالثه للأنسان ويبدي ينازع تخرج الروح
من القدم وتصل الى الرأس محد يعرف معناهه
غير الناس الي انتقلت للبارئ ... الڪلمه شگد
سهله بس فعلها أمر عظيم... بس رحمتك ربك
أعظم هو الي خلقها وهو الي ياخذها.. فلازم
نحمد ربنا بڪل يوم نصحه بيه واحنه بعدنا
باقين ؏ وجهه الدنيا ...

ـ أحد يفهمني هااي الأبنيه شعدها هناا؟

ـ دڪتور جابوهه الصبح متخربطه

ـ فحصتوها؟ منو وياهه..

ـ هااا.. اي هسه تجي التحاليل..

ـ اڪلج هاي مبينة مهزومه من أهلها لو مسويه
مڪسوره وگولي بتول مگالت..

ـ الله واڪبر هجم بيتج حلقه شڪبرها بأيدها
گبل تهمتيها

ـ اسم الله منين طلعتي..

ـ من وراج عوبه هاي شڪوو؟

ـ مليوصه انفجارات منا تعذيب.. قتل شيل وحمل
والله ظهري انفصم فصم بالنص سبحت بالدم
سبح..

ـ هاااجن هاي التحاليل.. اڪلجن منو جابهه هنا

ـ هذا الرجال بره..

ـ امشي اصيحه ڪتلي الفضول ولجن حلووه
هاي امداني رڪضت ؏ بنت جيرانه جبتها
لأخويه عود هاي خلقة وذيج خلقة.. هاا
عمو من وين هاي الدڪتور يسأل..

ـ والله ياعمي مااعرف وگفتني مره الساعه ب
سته الصبح ورڪبتها مشيت بيها شويه شوو
هاي وگفت انوب لابيه أرجع ولا بيه أروح عاد
اخذتها ل *** شي اقرب ماقبلوا يدخلووها
ألا وياهه احد واني زلمه ؏ باب الله وغيرتي
ماسمحتلي اعوفها جبتها هنا الڪم الأبنيه
قهرتني وگفت اشوف حالها واتوڪل..

ـ اهااا ... لعد عمو اتوڪل شغلته مطوله..

ـ هاي التحاليل الأبنيه حامل ومجاي تصحى
خلي نبلغ الدڪتور..