خلف جدران الأزقــــــة
ـ ريام السـاعدي …
ـ البارت الـ 21..
ـ أثاريها المَلامِح تِفضَح المَتعوب "
♡♡♡
ـ عدلت الڪراسي المتخربطه وصحت بيهم كافي
اكعدوا عقال تعبوني وڪحين حيل نوب كل واحد
جايب تجه خلي بيها ورقه صغيره ويضرب الثاني
بعينه عطت يخزروني بعيونهم ونوب اسئلتهم
الفضوليه الماتخلص مايخافون مني بس من زمن
يرجفون ويگعدون عقال بلا نفس صگارتهم مو
اني سألوني تتأخر گتلهم لا هي بالحمام هسه
تطلع بنفس اللحظه اخذتلي صفنه اذڪر بيها
شصار وشلون حالنه تبدل بفضل الله..
… الحمدلله والشڪر من اختي رجعت بڪل قوتها
خاصه من عرفت شصار ڪل مااذڪر يوگف عقلي
وردة فعلها اتجاهي لهذا اليوم كلش خايفه منها
اول خطوه سوتها اخذتني للمدرسه بوقتها جان
الدوام بادي صارله هواي ولأن اني دور ثاني
تأخرت النتائج يلا طلعت والي صار عطلني
أسبوعين زياده بيومها تعصبت كلش وراحت
جابت فايل واستماره واخذتني ثاني يوم من
الصبح اول مدخلت عرفها الحارس وسلم عليها
سلام حار ودخلنا للأدارة ؏ غرفة المعاونات
شافنها وگامن سلمن عليها وحته المديره اجتي
وڪم مدرسه الطالب الشاطر معروف ويترك
بصمته وهي جانت اشطر وحده الڪل افتخر
بيها لأن طلعت صيدله واڪو گالن حرامات
مستواج طب بس يلا مراحتي بعيد.. عرفتني
اني أختها وانعجبن بجمالي وڪله گالت شلون
هاي أختج اذا ؏ لون البشره ف تتشابهن بس
العين تختلف واضاف لقب جديد اليه ام عيون
الزرگ فهمتهم انو صار عدنا ظرف بالبيت لهذا
مداومت وهنه مقصرن گالن مو مشڪله اذا
هي شاطره مثلج تلحگ بيهم واذا ؏ الأمتحانات
الشهر الثاني نحسبه مال شهر لخاطرها.. اتشڪرت
منهم واخذتني المعاونه للصف الرابع ألف.. جان
عدهم درس فيزياء بادي صار ربع ساعه دخلتني
وعرفتني اني اخت منو ؏ صيت زمن ڪلهه
اتساهلت وياي وڪل درس اعرف بنفسي والجواب
انشاء الله طالعه ؏ اختج استلمت ڪتب واخذ كم
دفتر والتحاضير ورجعت للبيت شفتها ماڪو بس
خاله ام حيدر كيفت من شافتني وگالت اختج
راحت لـ ڪليتها تشوف شسوي..
ـ رجعت زمن ثبتت نفسها بس هالمره انسانه غير
من اجتي گالت الأسـاتذه متخبلين عليها من
مشافوها بالمرحلة الثانيه وسألين ڪومه بس
محد يندل لا عنوان ولا رقم الها ومن رجعت
هي بلغتهم بنفس العذر گالوا شدي حيلج هاي
بعدنا بشهر الـ ١١ عندج وقت … زمن تسابقت
مع الزمن لزمت ورقه وقلم واستجوبت الڪل
وشنو المصاريف الي ندفعت وبدت تحسـب
اخذت ڪم فلس راحت جابت كراسي وطبله
وصبوره خشبيه وعلگت لوحه بالباب ڪتب
تدريس خصوصي انڪليزي سبحان الله الرزاق
اجني خوات اثنين عدهن ولد بصف الـسادس
الأبتدائي من عرفنها صيدله ڪيفن بس اختي
جانت حاده بالتعامل وياهن بحيث اخذت كل
ڪتاب ب 150 الف وماانطت مجال للتفاوض
بعباره صريحه … عيني محد دخل يمي وما
نجح هاي سألوا عليه اليدخل يمي تاليته نجاح
واسويله اساس بالماده.. الثقه تلعب دور همه
من شافوها هيج خلوهم يمها وهي رادت مقدمه
وصار اختلاف بس وافقن لأن اظاهر اختي ارخص
وحده ومن بعدها صارت تهتم بدراستي و دراستها
والتدريس الخاص ماعدها وڪتت ڪثر عدها
العدد ؏ شهر ڪانون الاول بدت الناس تودي
جهالها للمدرسين بحجه المدارس الحكوميه متدرس
عدل والعدد هواي والطالب مايستوعب اغلب الي
جانوا بمنطقتنا شالوا وسافروا بحجة الظروف
والوضع وتحولت منطقتنا شعبيه بعد السقوط ڪلشي تغير وجان هذا من جانبنا لأن فقير يحس
بفقير عڪس الي قبلهم.. وموقع بيتنا گبال المدرسه
ساعد زمن هواي خاصه ويه حله الطلاب بڪل
مراحلهم تاخذ ولد بس ابتدائيه و اول متوسط
وباقي المراحل بنات بس..
أنت تقرأ
خلف جُدران الأزِقة (مكتمله )
Poetryقصــــــة عـــــــ🇮🇶ࢪاقيـة لقد كُنا ثلاث أخوات في المنزل وكان الأمر مثل حفلة دائمة" لڪـــــن، #الغدر طبع البشر ....و الخيانة تكون خنجرا عندما تأتيك من اقرب الناس أليـك #ندمنا كثيرا لاننا وثقنا في أناس كنا نظن ان قلوبهم تشبه قلوبنا ..... #لا تعط...
