خلف جُدران الأزِقة (مكتمله )

البارت الثامن

ـ خـلف جدران الأزقـة ❥

ـ ࢪيــــام الساعدي ...

الــــبارت الثـامـن .

اني حسيت
طبع بينه الحزن يبدي من الغروب
ومن نبجي عليك ندمع قلوب
وما ظل قلب عدنه من بجيناك...
تدري البارحه شكد ذكرناك

حبيبي الغائب الحاضر بقلوبنه الف رحمه على روحك

🥺🥺💔

««««»»»»

ـ صفـيت بـلا رمـــش گد مـا تمـنيت

ـ طلعت ارڪض بڪل مابيه حيل حته ناسيه
وضعي المبهذل امسح ادموعي بطرف عڪسي
وشعري المنڪوش شعور انو اختي ضاعت لو
صار بيهه شي يموت امشي واسب واتحلف
ياويلهم اذا صارلها شي نوب ارجع اغلط ؏
نفسي صوجي اني حماره وثوله عفتهه بيدهم
منو دنيا الي لا ابالي لو لأمي الي عافتنه واحنه
صغار امداني شلون أمنت بيهه واني اعرف شنو
نيتهه عود الي مثلها تتغير لو تحن؟ اسمها ام
وهي ڪل امومه ماعدها..

ـ وصلت لرڪن الدربونه وضليت امشي شفت
الطريق لحد مااوصل الشارع الرئيسي طويل
حيل لازم اختصره نعالي اتبلل من مي الغسل
وصار يزحلگ بنص الطريق صادفتني قطعـــه
ارض مبينه بس الأسـاس مالتها متروڪه صار
الها هواي الناس تذب بيهه زباله ومليانه گزاز
صعدت واني امشي ؏ اطراف الصب مشيتي
مو متوازنه مااعرف شلون بحرڪه انلوت
رجلي وگعت بنص وحده من الغرف حسيت
بحراره ماانتبهت لأن عڪس ايدي هم نضرب
ثواني يلا استوعبت انو اشگت رجليه بطل
ڪزاز والدم صار يجي شلال الوجع اڪلني
وماڪو احد يدري بيهه من طلعت اني تسحبت
منهم بسڪوت بعد ماطلع ابويه والڪل يرڪضون
مرت خمس دقايق واني فاقـده الحرڪه عبالك
مشلوله ... ؏ هذا وضعي ولمحته يصيح

ـ هـااا؟ لگيتهه

ـ خررب انه ماادري وين راحت..

ـ گوه استجمعت طاقتي وصحت هيـــثم! مـا
سمعني خاب املي بعدين اندار شافني اجاني
يرڪض ...

هيـثم: اڪو وحده تطلع هيج شبيج تخبلتي..
شنو هاي بيش انجرحتي.. خررب لك مهـدي
تعال بساع

مهـدي: انتي هنا واحنه گلبنه الدنيا عليج.

ـ مو ڪتك مدا تشوفهه مجروحه..

ـ دشيلهه خلي نعالج جرجها..

زمـن: نز؏ فانيلته وشدها برجلي ودنگ شـالني
بعز المي رفضت ماانطاني مجال...

مهـدي: وين رايح يمعود منا الشارع وذاڪ
الطبيب شبيڪ ولك تيهت وين ماخذهه
ويامن احجي اني
..

ـ ماخذهه. لبيتنه استعجل اسبقني وافتح
الباب وانطيهم خبر..

ـ شسوي بيتڪم خلي نوديهه للدڪتور