خلف جُدران الأزِقة (مكتمله )

البارت السابع

ـ خـلف جدران الأزقـة

ـ ࢪيــــام الساعدي

ـ البارت السابــــع

»»»»«««««

أڪو مواقف تڪلك"ها عرفت ناسك!!"...

«« فـــــلاش باگ ... قـبل اسبـوع»»

ـ العصريات ملتمين ڪلنه بالهـول جنت منتچيـه ؏
رجل بيبي والگط الڪرفس وانطي الها حته تثرمه
ويه باقي المواد دنحضر عـلمود نسوي ڪباب عروگ
وڪل شويه عيوني تدمع من البصل وامسحه بيدي
دنو رجلهه معلگه ؏ التلفزيون وهي اتابع ڪارتون
غرندايزر واني هم مندمجه واباو؏ اتحمس وياه
مـن يصيح رعـد الـفضـاء.. الرزه المـزدوجه جانت
الحلقه من يتواجهه ويه القائد ڪاندال وبابا وجدي
يضحڪون علينه ويعلقون ؏ الأحداث اما مشمشه
جانت بعالم موازي وحدهه ملتهيه تغمس البسڪت
بالجاي ومتلحگ تاڪله يوگع من ايدهه وتعقج وجهه
لأن تضوج الدبگ صار عليه وتحط ايدهه بالدولڪه
وتغسلهه لوصت الدنيا مخلت استڪان ما حطت بيه
وخربته بس مع ڪل هذا ڪلنه متونسين.. ندڪ باب
الڪيليدور سمعنه صوته هو يگول...

ـ يـااهل الدار ويـنڪم گاعدين؟

دنيا: فوت مهـدي.. ڪاعدين

ـ ياالله... السلام عليكم ... عيني عمي خابرني
المختار يگول جايڪم خطار هسه ف اجيت
ابلغڪم رتبن المڪان هيج دقايق وهمه هنا..

ڪامل ـ انشاء لله خير ... يلا بناتي راح اطلع وانتن
رتبن المڪان بساع

دنيـا * ارڪضن اجونا خطار

زمـن: ؏ سريع رڪضنا ريحه الهول ڪلهه بصل
صرنا نتطافر اني رحت اشغل بخـور عاطـت بيه
دنيـا وڪتججج عفتي الفراش والجراجف والهدوم
المطشره والاستڪاين والعلوه مال بيبتج روحتي
؏ اخر فقره بيج شي أمي هزيت ايدهه ولا يالله
عود الجبيره اتصير نادره ومعدله ولهلوبه بالشغل
وشيب الگاع من حرورتها هي مال اتڪيتب بهل
زلگ ولا تستقر الگاعده بقصر باگنغهام..

* غيد ودنو صارن يشمرن بالغرف عامي شامي
ويضحڪن لأن يتصادمن وبيبي ؏ سريع لمت
الستڪاين والخضره جبت المڪانسه اخذتها
مني دنو تڪول منا لباجر منخلص اذا تبقى
عليج گشت الگاع بسرعه ولمته وراحت جابت
بساطات مدتهن وطلعن المخاد الجديده مڪتوب
عليهه احبك وصباح الخير ڪل هذا صار بخمس
دقايق واني صافه وبيدي البخور..

ڪامل: بابا فوتن للغرف اجوي الزلم ولحد
تطلع..

حليـمه: يااا لعد منو يضيفهم شيگولون علينه
اني ابقى بالمطبخ..

مهـدي: محد تبقى اڪو ناس غربى واذا ؏ جاي
والمي سحر محضرتهم وحمودي وياي وحيدر
احنه نقوم بالواجب انتن مالجن شغل..