خلف جُدران الأزِقة (مكتمله )

البارت الـ 19

خلف جدران الأزقــــــة

ـ ريام السـاعدي..

ـ الـبارت الـ 19..

ـ تنبت العقد النفسية من صدمة عاطفية ثم ينسى
الإنسان سبب الصدمة ولكن العقدة تظل حية في
نفسه ، وكثيراً من الصدمات ما يكون لها أثر شديد
فتؤدي إلى كوارث نفسية ، والتفسير لهذه الكوارث
أن العقل عجز عن تحمل عبئها الثقيل فإنهار تحت
الضغط العنيف وضاع

فكل عقل له حد ومقدرة على تحمل الصدمات فإذا
زاد الحد تحطمت هذه المقدرة

💔💔

ـ ها هذا المڪان عمو؟

ـ اي يمك عمي ... تفضل هاي ڪروتك رحم الله
والديك

ـ والديج بنيتي ؏ أساعدج؟

ـ لا مشڪور ... نزلت ؏ البطيء مشيت احس
بثگل مو طبيعي بطني واصله لـ حلگي وڪوه
اجر النفس لحد الان اڪلت أسبوع ويومين
من شهري لأن بڪر تتأخر ولادتي هيج گالوا
بس ؏ الرڪض الي شفته ذيج الفتره رجليه
صارت خيوط ويا جايه يا رايحه اڪبر طفل
ينزل مدري بنتي صامده لو معاجبها تجي
والله عمي حقها المن جايه هو اني ڪارهه
روحي من الضيم يشيب الرأس..

ـ دگيت الباب فتحولياه دخلت شفتها گاعده
بالحديقة ورجل ؏ رجل وفنجان الگهووه
تشرب بيه وصوت فيروز ... نسـم عليـنا
الهـوى من مفرق الوادي ... ياهوى دخل
الهوى خذني ؏ بلادي.. شافتني نصت
الصوت وگالت ها واخيرا اذڪرتيني
شهل غيبه..

دنيـا : هنـيال گلبج اي والله مزاجج فول عالي
ومسويتلج اجواء ؏ صوت العصافير وڪهوه
وفيروز وداخله بالنسيم ولا عبالك همزين
بيد الله الهوى مو بيدج عمي اهنيج ؏ برود
العندج تفوزين تصفيق..

مديـحة : اي شتردين أسوي أملخ روحي وانصب
حداد شغله صارت وانتهت وبفضلي همزين تلاحكت
الڪم حته لا نوگع بالمحضور وڪلشي هسه اتصلح
ونسدت مااحب الح هواي مثلڪم .. واڪبر المواضيع

ـ ههههههه صدقه الله ولعطيته تگول ما الح اي
حقج متعلمه مو اول مره اعذرينا جدد بعدنا
مصايره عده مانع صدمات يلا صدك انتي
شمسويه قابل بس بنتج رادت تتزوج اخوها
الي مجانت تعرف بيه وانتي جنتي عندج علم
قررتي تعترفين بيوم خطبتها حته تڪسرين
گلبها وگلب الي يحبها وتذلين اهله وعادي
عندج تدخليها بصدمه وامج انجلطت وصارت
لا تحرك ايد ولا رجل واني يطلع ابويه عايش
اسمه اديب مو ڪامل هههههه وربي فلم هندي
بإمتياز ... صدك انه ڪيدهن لعـظيم..

ـ اختج هي جابتها لنفسها الف مره ڪتلها
نزلي عينج لا تتحديني بس جانت صلفه
وترادد ودوم شايفه نفسها سويتله جره
اذن بسيطه لاتخافين هسه ترجع ريمه لعاداتها القديمه اما امي مره جبيره وهاي بعد أراده
الله ڪله فتره وترجع زينه اني عود اتڪفل
بعلاجها اما الضربه الجبيره لنغـم جنت منتظره
هاي السنين ڪلها بينه حساب قديم واجه
وقته مو مديحه التعوف حقها تاخذه من عين
الصغير قبل الجبير محد يوگف بوجهي فلا
تخليني اضمج للقائمه..