خلف جُدران الأزِقة (مكتمله )

48

. خلف جدران الأزفة

. ريام الساعدي

. البارت ال 48

🦋🍁

ولا واحد عرف بينه
ولا باقي عرف لينا
نضحك للهوى وللياس
وللناس التحاچينا
هذول إحنه
قبل لا يوگع إبنادم
#عليه_توگع_بواچينه

💔💔💔💔

دنيا : لحظه الخابروني وبلغوني
بوفاته كمت اصرخ مااعرف شنو
اتصرف كلها التمت عليه تريد
تعرف شصار واني ما ع لساني
بس كلمة ماااات ماات حيدر
جان مموجود ومهدي ملتحق
واحنه بس نسوان بلا وعي
اذكرت صميم موجود رحت
للبيت تلكاني بفزع وانصعق من
سمع بالخبر ركضنا كلنا ع سيارات
حته نروح لبيتها الله يعلم شحالها
اني مرت اخوه بلغتني هي من
وصل الها شصار بيها اختي الماعدها
حظ بالدنيا جابت عمرها حزن بحزن
وضاكت المر ماشافت يوم مفررح
دوم هي بوجهه المدفع اسمها
زمن والزمن اخذ منها كلشي
حلوو

:: بلا وعي اتصلت ع غيد حته
ابلغها بس نسيت انها بشهرها
وممكن هيج صدمه تخليها
تجيب واني بالطريق اجاني صوت
عياطه بعدين علي حيدر اخذ الموبايل
منها وعرف مني بس مثل ما توقعت
نص الطريق وصارت عدها ولاده ..
صميم كال سوزان يمها انتي ابقي
يم زمن سحر وياي وخاله البنات
بقن يم بيبي الي انفجعت مثلنا ...
اول ماوصلت للبيت .. شفناهه
جانت منهاره حيل ..

:: لاااااا لااا جذابيين ما مااات لاااا
وعدنيي هوو وعدني نبقى طول
العمر سوه شلوون يموت شلوون
لاااا مااصدك مستحيل اساااامه
لتعوفني وحدي حباااب لااا اسامه
لااا اخخخ ياااابه كولوا جذب هسه
تجيبووه هسه مااا مات وخروووا
مني لحد يلزمني ..

:: ماكدرت الزمها ولا احد لا كلامها
حفر بكلوبنا كعدت بالكاع وهي
فقدت لا حول ولا قوه الكل اجاا
اهله اهلنا حسب معرفنا هو مشتري
سياره وراد يفاجأ زمن انو رجع يسوق
وتغلب ع خوفه بس القدر كتب شي
ثاني كالوا الصبح يسلموه لأن الجثه
لازم تشرح .. خيم الليل ..

:: جانت اصعب ليله سوده وسوادها
ثكيل اظلم الساعات والثواني صارت
ببطأ السلحفاة نحير ليا شلون نواسي
نفسنا من كد ماذرفنا دموع  عيونا
ثكلت وجفت .. الموت البطيء جان
هي لحظات انتظارنا دخول التابوت
للبيت فزينا ع صوت الطلق اطرافنا
اثلجت واحنه نسمع سولنا مجال حته
ندخله لأهله وراها يشعيوه الرهبه
الي عشناهه اخذت روحنه من اشوف
شخص عزيز ع كلبك كدامك بس وين
بصندوق خشب يبعدك عنه متكدر
تروحله وتكله اكعد ارجع احبابك
يردونك ..

:: تاليهه بس جثة وجفن
وسنيني كلهن ضايعه و
خاتمه هذا العمر تنتهي
ب سورة #فاتحة