خلف جُدران الأزِقة (مكتمله )

البارت الـ 24

خلف جدران الأزقــــــة

ـ ريام الساعدي..

ـ البـارت الـ 24

باجر الدنيا تجي بـ ناس أعلهً گدنه "

💔💔

ـ لككك يوول باع شلگيت أشتعلت خالتي الشگرره هم حاسبه روحها مره خررب عرضڪ ال***
تشگكك شگ

ـ شلگيت صارلك ساعه تبنح..

ـ شووف ... يااا عووبه بالت ؏ نفسها ... تفووو
ولجج شڪبرج بگد البعير تصيرين؟

غيـد : جسمي يختض مثل السعفه رجفه ورهبه
مو طبيعيه مثل الي نشليت سحبني بخفه الريشه
وطلعني متحملت سويته ؏ نفسي يعت بيه يمنى
ويسره واني جامده اي ردة فعل مسويت من الخوف
خانتني قوتي فاصله بس اسمع حجيهم القذر وهمه
يتغزلون بجسمي ونيتهم واضحة من عيونهم اكلتني
دموعي تنزل بغزاره خايفه من الي راح يصيرلي
مانطقت بس گلبي حجة هواي ڪلمه يارب احسها
ترردت يارب ... يارب..

ـ يوول لك هاي ماتتعوض وين انفرد بيها اشووو
انزل اخلص دوري وبعدها يجي دورك ... لو تحب
اثنينا نتشارك بيها انت شتگول؟

ـ الشرطه راح تجي هسه اهل العماره بلغوا امشي
نفلت..

ـ وهاي الحاته نعوفها؟

ـ ولككك انت أعمى يا حاته ماتشوفها جنها طالعه
من الگبور دعوف هل سلبوح سيان ... ينعل يومك
نسيت شنعوفها غير شاهده الريس يذبحنا امشي
جيبها ناخذ الي نريده ونتونس بيها ونقتلها...

ـ بالحرام مااعفوها هناا ؏ جربايته ... منا لفد
نص ساعه زين اذا أجه احد..

ـ خووش راح انزل اراقب جوه ومن تخلص
الزم واجب نيابه عني صايرين؟

ـ صايرين ابو سچينه ... بلغ الريس ڪلهه ماتت
محد بقى عايش هذا الأسمو اڪرم دزيناه
لعزرائيل يتولاه هههه وينها سمره تشوفني
ويه ريحه الچخمه يلا نجازف عود أتسبح

ـ غمضت عيوني بقووه أستلمت ماڪو أحد خلاص
هاهيه غيد راح يغتصبوج ويقتلوج ... مر شريط
حياتي گدامي طفولتي أبويه وحبه وجدي وحنانه
هدوئي فتره أنعزالي ...تقليدي لزمن مشاڪستي
ويه دنيا ضديات وزمن ... أصدقائي الڪبار هيثم
ومهدي الضروف الي مرينا بيها فرحنا حزنا
وضع بيي موقف مديحه مني وخذلانه ڪلمه اخيرة
گتله عساها بحظج وبختج وحسبي الله عليج
و ؏ ڪل أذيه سببتيها اليه ولخواتي..

ـ حسيت خطواته يقترب وهو ينطق بأقذر
الڪلمات ويتفاخر شراح يسوي لحظات
ثواني أشبهه بالموت البطيء ... صووت
غريب. صررخه ... اخخخخخ..