خلف جُدران الأزِقة (مكتمله )

البارت الثالث

خـلف جدران الأزقـة ❥

ـ ࢪيــــام الساعدي ...

ـ البـارت الثــالث .... 🍂

🦋 ...
ز

من : طلعنا من بيت أم عمر وبيبي بعدها متقبل وتحجي
مراضيه ؏ تصرف ابويه وتلوم بيه عڪس جدي الي
ما ڪال بس ڪلمه وحده من اليوم ماعدي بنيه واڪفين بالباب منتظرين التڪسي الڪسره مبينه
ب

وجهنا من اليوم نولد عندي شعور غريب مااعرف
شنو اوصفه رده فعلي بارده بعد ڪلامها الجـــارح
اڪو شي بداخلي شطبها من ڪلبي صاح جدو يلا
امشونا..

دنيا : جدو ماما مااجتي ويانه اصيحها؟

ـ الڪل سڪت وجدي ڪال لا بعد ماتجي ويانه
انسي عندج ام تجـمعت الدموع بعيونها وصارت
تبجي ورفضت تجي حاول ابويه يهديها بس هي
جانت معانده متحملت عنادها وعصبيتها ڪمت
بحرکه سريعه دفعتها بالگاع انضربت بالرصيف
والوجه ڪله دم انصبغ ‌

حـليـمه: يمه الأبنـيه راحت تعزيتي وتصخمتي ؏
سوايتج ولج..

ـ ثواني يلا أدرڪت اني شسويت وليش هالتصرف
بـدر مني اخـذها ودخلتنا أم عمر لبيتها ڪبل فتت
واني الندم اڪلني مجان قصدي حطتها ؏ ڪرويته
وراحت اتجيب الأسـعافات الأوليه وضمدت جرحها
امي واگفه ؏ صفحه حته ماحرڪت ساڪن خلتني
ازيد بحقدي عليها.

ـ من بعـدها خوت ونعست اخذونا ورجعنـا السڪوت
سيد الموقف ڪلمن جان صافن بهـمه واني عيني ؏
خواتي من جهه دنيا الي نايـمه بحظن ابويه وغيــد
بحضن جدي وبيبي تنوح بصمت

ـ وصلنا لڪينه خاله أم حيدر بالباب هي ومـهدي وهيثم وهيفاء اڪيد اجوي علينا لڪونا طالعين
اول منزلنا تلگونه شافوا صديقتهم ملفوف راسهه
لو تخبلوا وهي تأشر عليه ؏ ڪبل جدحت عيونهم
غضب وخزروني واخر شي تف مزاعليج ولي..

ـ انقهرت بوقته اني ماعندي اصدقاء بس همـه
محد يحـبني محد رضى ؏ تصرفهم كالوا يلا
جهال شوي وينسونهه فاتوا جوه ماعدا هيثـم
الي ماقبل وراد يحجي وياي بس عفته ودخلت
جوه مرت الأيام هيج مزاعليني ويلعبون وحدهم
ومن اجي يرحون بغير مڪان حياتنا انقلبت حيل
واني تغيرت بيه صفه صرت افتر وره بيبي واتعلم
منها شسوي بالبيت من مهام وخاصه العنايه بغيـد
واذا شفت جدي او ابويه مجـتمعين اعوف المڪان
ومااسنط هيج انطويت ونعزلت..

ـ بيوم جـنت مڪابله بيبي وخاله دا يحفرون للدولمه
بالسجين اخذت وحده وصرت اسوي وياهم جرحـت
ايدي طلع دم منها طبت هيـفاء شافت الموقف روحي
رڪض صيحيهم ڪلهم اجوي داير مدايري خايفيـــن
عليه حيل فرحت من شفتهم بعدهم يحبوني..

دنيـا: ابوسها متعورج؟

حليمه: اي شمنتظره هسه تطيب بسرعه

ـ دنڪت باستني ايقنت انو مهما صار اختي تحبني
وانو بينا رابط مستحيل ينكسر بس ياترى هذا
الرابط راح يبقى لو الزمن اله رأي اخر..