خلف جُدران الأزِقة (مكتمله )

37

. خلف جدران الأزقه

. ريام الساعدي

. البارت ال 37

🦋
روحي ولا تگلها شبيج
وانتَ الماي
مگطوعة مثل خيط السمج روحي
حلاوة ليل محروگة حرگ روحي
حمرية گصب مهزومة بالفالة ولك روحي
وعتبها هواي…
لا مرّيت .. لا نشديت.. لا حنيت..

مظفر النواب

🕊🦋 ..

الصار صار
الجملة الي لازم تفهموها كلكم، لا تبقون تندمون ع شي صار لان " الصار صار " خلي ندمك مفيد بأنو انت تكون فاهم الي صار غلط وتبدي تصححه واول خطوة انو تصححه هي انو تحس ع نفسك

:: هذا قرارج بيه مجازه غيد

:: لا ابدا متأكده منه

:: الثقه الزايده خربت حياتج مره
وانتي اكثر العارفين ..

:: صح وياج خربت حياتي مره لما
انطيتها لناس ما تستاهل بس اكبر
غلط من الواحد يبطل يثق بأي أحد
وهيج راح اضيع الناس التستاهل
مو كل التجربه مصيرها الفشل ..

: غيد الفرصه الثانيه تخوف اكثر
من الأولى لأن مصيرها متعلق
بالقلب جاي تخاطرين بكلبج ..

::خاطرت مره وبعده ع نبضه
ماوكف

زمن  :: شنو سر هالحب والتعلق
الي عدكم بحيث تكدرون ترجعون
لحياتكم ليش مو اني مثلكم ..

:: بساطه انتي وحدج الي تقررين
سعادتج ومصيرج تتظاهرين بالسعاده
وانتي مو سعيده تشوفين للكل انتي
بخير وداخلج عكس هذا احنه بشر
والضعف هي ميزتنا ماعدنا قووه
خارقه حته نتحمل كلشي وكت
الحزن ابجي .. تحتاج مساعده اطلب
غلطت اعتذر ..سويت غلط اعترف
عندي حق ادافع  من حقج تحبين
وتنحبين ساعه تصيب ويانه وياساعه
يخيب  الأنسان عباره عن كتله من
المشاعر  عصبي  .. هادئ .. مزاجي
خواف .. يفرح .. يحزن .. يضعف
ينكسر .. يتقوى تره مانكدر نكبت
كل هذا ونتصنع غير شي .. الحياه
متوكف ع احد ولا ع موقف معين
تجاوزي الماضي

:: العيال كبرت ..

:: ههههههههه .. وهسه راضيه

:: اييي ام ود راضيه نخرق الأتفاق
للمره الثانيه بس هو قبل بوضعج
اكيد مراح اجازفين بصحتج تره
غيد مااسامحج اذا اذيتي نفسج
خل يكون بعلمج ..

:: ليش صحتي شببها

:: شنو شبيها اكيد تعرفين انتي بعد
ماتكدرين تحبلين لأن كلبج تعبان
اتفاهمي وياه ع هاي النقطه ..

:: زمن

.. ها حبيبتي

:: راح اسده بعدين اخابرج ؟

::شنو صار شيء

:: هاا لاااا بس اريد اسوي غده ود
كعدت

:: اجي اساعدج لو اخذها منج ؟