خلف جُدران الأزِقة (مكتمله )

البارت الـ 11

خـلف جدران الأزقـة 

ـ ࢪيــــام الساعدي

ـ البــارت … 11

🌾🌾🌾🌾🌾🌾

يا غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت💔💔💔

»» 🌾🌾«««

ـ هـاااا

ـ وجعـااه التوجعج وتنام بگلبج وبگلب امج
المسموسه من شعوطوها بگبرها ولا شافت
الراحه..

ـ خاله ليش تدعين ؏ امي..

ـ انجبي ولج ولا تراددين عليه صلفه بت الصلفه
اسمعي حيوانه ابوج يريدج عود ماوصيج اتمسكي
يمه واڪلي بعقله حلاوه مثل امج ياويلج اذا اسمع
حاجيتله ڪلمه اچوي لسانج بعطابه خووش؟
متجاوبين..

ـ نعم خاله..

ـ تنعنعت ضلووعج يا مگصوفه الرگبه چبحح
لهل الوجه الجايف..

زمـن:  منو هاي؟  وليش هيج دا تحاجيج.

حليـمه :  مرت أبويه الأولى

ـ الأولى؟  ليش ڪم وحده مزوج..

ـ ماينعدن … ابويه جان تاجر معروف واله اسمه
بالسوگ بس طبعه مزواج هواي يزوج الي عليه
دين لو يشارڪه ينطي مره اله بس محد تعـمر
وياه.. لو تموت او تطلگ او تبز؏ وتطفر بريشهه
وتنهزم منه نسوانه ميخلنه بحاله وامي جانت
ضحيه..

ـ شلوون؟

ـ جانت حلووه وصاحبه لسـان … هو بطبعه
الأولى والثانيه ثابتات الثالثه والرابعه هذا
مڪان شاغر لنزواته امي گدرت تاخذ گلبه
عاشت خمس سنوات وهاي اول وحده تطول
هلگد بس ماتت …