خلف جُدران الأزِقة (مكتمله )

43

.خلف جدران الأزفة

.ريام الساعدي

: البارت ال ٤٣

🦋

. حتى من نضحك خايفين
احنه اول بشر
من نضحك نگول
يستر الله اليوم
من هذا الضحك ...💔

🦋....

:: اتعرفيها ؟

:: طبعا عز المعرفه منو ميعرف دكتوره
مديحه من ابني اسامه كال انتي بتها
ماترددت ولا لحظه انو أجي ولهذا
اتصلت بيها وهي كالت انو اهلكم
منفصلين من زمان وانتو عايشين
هنا اني سبقتها وهي كالت اجي
وراكم  وانشاءالله نختم هالجمعه
بفرحه الأرتباط بين اولادنا

مديحه : ياريت تكمل الفرحه وتصير
فرحتين والبنات يسامحوني

زمن : أهااا زين من رخصه الوالده
العزيزه وحضرتج انتي هم وكل
الموجودين مادام  انعرف سبب جيتكم
ف احب اكول سواء قبل او بعد الي
راح اتسمعينه اني اعلن رفضي لأبنج
المحترم لأن بشكل عام فكره الزواج
لاغيتها من حياتي ..

انوال : ليش امي ابني مابيه قصور
شاب كامل وانتي ماشاء الله حلوه
وبيج كل المواصفات المطلوبه فضلا
بت حسب ونسب اتمنى من كل كلبي
اتصيرين جنتي يوم المنى وين
الكه وحده مثلج ..

زمن  : خاله ياريت تأجلين المدح
شويه وبعدين نشوف نرسي ع بر
لو نبيعها للسفينه ونسكت .. يلا
أمنا اطربينا بجيتج العزيزه مو كل
مره نحصل هيج شرف عظيم تواجدج
ابيتنا المتواضع ..

نوال : مجاي افهم عليكم بس اذا
اكو بينكم مشاكل احنه نترخص و
نجي بغير وقت بس ميصير هيج
يكون زعل بين الام وبتها ياريت
تتصلح الأمور وعفا الله عن ما
سلف .. والسماح حلو

زمن : وياج خاله ورب العالمين يكول
العفو عن المقدرة لهنا وحلوو زين
اذا العفو فاق المقدره  واذا هالناس
الي تردين نسامحهم اذونا هواي و
اخذوا منا احلا ايام حياتنا وهدولنا
حيلنا وخلونا نتغير ١٨٠ درجه صرنا
اشخاص روحها تعبانه وملامحها
باهته كلشي انسلب منا الأذيه الي
وصلتنا منهم خلتنا منكدر نرجع مثل
الأول وصرنا ناس ثانيين هناا العفو
فاق المقدره اضعاف واضعاف هاي
الواكفه كدامكم خلتني افقد الثقه
بالناس بسببها شلون واحد يسامح
شخص ظلمه وهلك روحه ف يا
خاله محد كريم ويسامح  بس رب العالمين وهسه حتة اوفر جهد للوالده
اختصرلج الي صار ..

:: بديت احجي بحركه قلب وبسرعه
ينطق لساني بحيث لهثت من التبعب
ويبس ريكي شربت مي ورجعت اكمل
الهم شفت الدهشه بوجوه اهله وشفت
علامات الغضب بعيون مديحه مجانت
متوقعه اني هيج اسوي عبالها بكل مره
تسلم الجره متدري احنه حفظا الدرس
زين ونجحنا بية واخذنا العبره وعلكناهه
ترجية بالأذن كملت كلامي وسكتت
حته اشوف رده الفعل ..