خلف جُدران الأزِقة (مكتمله )

البارت الرابع

خـلف جدران الأزقـة  ❥

ـ ࢪيــــام الساعدي …

البـارت الرابـع …

ـ #ردني يم دكان ديرتنة القديم
روحي خضرة وهايمة #بذاك الزمن
وردلي #درهم بي طعم من تعب ابوي
ويامراجيح التلمني بلا #ثمن

ـ بس صبرك علينا سيدي غير نعرف ؏ شنو ماخذيهـم

ـ اشش ولا ڪلمه يلا صعدهم بالدوريه

ـ ابختك سيـدي شنو الموضوع يمكن
اكو سوء فهم

ـ عود بالمرڪز تعرف يلاااا بلا نقاش اخذوهم
ڪدامي

ـ رجال جبير ماعده اي اذيه وكل المحله تشهدله
هو ونسيبه 

ـ هذا الحجي تحجي هـناك بالمرڪز مو يمي
اني عندي امر القاء قبض وجاي اتفذ لا تعطل
شغلنا تره ناخذك انته هم اذا تعيقنا..

زمـن: جنـا واڪفات مرعوبـين وعمو حيـدر يتوسل بالـشرطي حته يعـرف ليـش دا ياخذوهـم وبـيبي وگعت دخيل يم رجله نتر بيهه مانشوف غير اخذوا
ابويه وجدي وراحوا

حيـدر: رايح وراهـم مه اشوف شڪوولحد يطلع لو يتحرڪ يمه انتي  ابقي وياهن بين مااشوف حل يجوز نتأخر لليل عود اخابرڪم سحر ديري بالج ؏ بنات مهدي انت بمڪاني خويه..

حـليـمه:  راح الزلمـه عزه تعزيتي وتصخمتي  يحليمه هاي وين جانت مضموتلج شلون بيه بس لا ياخذوهم
وبعـد مالهم رجـعه ربي بجالك احـنه ناس فقره والله ماعدنه اذيه ؏ احـد وڪافين خيرنا وشرنا شلون بحـالي وبحـال هاي البنات استرها علينه يا سـتار
ربي سترك ورضاك..

زمـن: الي يتربى ؏ ايد جد مثل جدي واب مـثل
ابويه هذا ضمن التخرج بمدرسـة الحيـاه
صح احنه صغار بس همه افعالنا جبيـره
الطفل بهيج مواقف يأما يصرخ ابو يبجي
ويخاف او عقله يڪون مو مستوعب الي
يصير اما احنه العڪس صح انرعبنا بس
دارينا وضعنا بالصمت. اجتي خاله سحر
جرت اختي وشالتهه والعالم بدت تجي
جدي الڪل تحبه وسمعته سابقته بالمحله
جد هيثـم حضر وڪال اني رايح بنفسي
اشوف شڪو ومنو متهمه هواي عالم اخذت من خاطرنا وساندتنه

غيـد * جـانت مثل الفراشه الي تتنقل من
مڪان لمڪان بيدهه لعـابته وتفتر ع
العـالم تخليهم يبوسوها باوعت لحـالنا
وحالها ليش احنه واعين ونفهم ڪلشي
ليش تصرفاتنه اڪبر من عمرنا غثنـــي
وجودنا بهاي المشاڪل المفروض حياتنا
لعب وبس من هـاي اللحظه اخذت عهـد
؏ نفسي غيد ماراح اخليهه تختلط ولا
تفهم ڪلام اڪبر من عمرها.. خاله سحر
اخذتها وطبت جوه واني وراهه صرت
متعلقه بيهه

سحر  :  هجـم بيتجن عيـون طرگاعه اڪلن الطفله اڪل بعيونهن عووذه
منهن مشايفات جهال خلي ارقيهه
لايطڪنه بعين واختج لا تطلعيهه
بعد ذني يحسدن الأڪرع ؏ صلعته
بيا حال وانتن تباوعن عليهه باسته
يمه يحسدنه مشمشتنه غير اشيب
روسهن وانعل سلفه سلفاهن..