خلف جُدران الأزِقة (مكتمله )

32

. خلف جدران الأزفة
. ريام الساعدي
. البارت ال 32

:: باچر الأيام تحلى ، و الفَرَح يترس حَچينا ..

🌿🦋

دنيا  :

لو مو بعض الخسارات چان أنت مو نفسك اللي هسه گاعد تواجه هذا العالم بهاي الشخصيه وهذا الثبات أو مچانت هيچ نظرتك للأمور ، مرات لازم تخسر علمود تربح أشياء ثانية ، أشياء مهمه وغالية ، مرات لازم تخسر أغلى شيء عندك علمود تكتشف ويه الوقت أنه چان أرخص شي وماله أي قيمة ، بس أنت مچنت مُدرك لحقيقتة وواقعه سابقاً ، مرات لازم تنكسر علمود تعرف توگف وتسند نفسك بنفسك ، ومرات لازم تنام وأنت بقمة أنكسارك علمود تگعد الصبح شخص ثاني ، شخص مو محتاج لأحد ، شخص يعرف ينقذ نفسه بنفسه ، شخص لو ما خسر مچان عرف شگد بداخله قوة و اراده وصبر وتحدي ، مرات لازم يموت شيء بداخلك علمود تعرف تعيش صح ، تعيش بأسلوب جديد ، تعيش بمبدأ جديد ، تعيش بضحكة جديدة ، ضحكة كلها كبرياء وقوة...

:: كعدت الظهريه بيه نعاس لان نمت
الفجر من بعد السحور باوعت لفراش
بنتي ماكو ع سريع كمت ويه طلعتي
سمعت صوت ضحكهم توقفت رحت
للحمام غسلت واجيت شفته يوكل
بيه وبنفسه حجه وياي

علاء : مدي ايدج خوش اكل

:: رديت برود صايمه

:: اممم الله يقوي ايمانج

:: ليش تعرف الله

:: لا اعرفه ولا اريد أعرفه

:: استغفرت بكلبي بس مجاوبته

:: شعجب ماعلقتي كلت راح تنطنيني
محاظره دينيه

:: ليش انت منو حته اهتملك

: ههههااي طولان لسانج بس اعرف
شلون اكصه الج

:: تضرربني عادي تعودت ؟

: جؤؤؤ الضرب ستايل قديم صار

: لعد

: بعدين تعرفين ولا اليوم راح اكلج

:: عفته ورحت صليت اول مره بحياتي
التزم بدون محد يكلي جانت صلاتي
متقطعه اما الصوم جنت اتحجج انو
مااكدر وادوخ ومااتحمل قبل هسه
حته واني حامل ماتركته

:: طول هاي الفتره اخذني مرتين
للدكتوره حاولت اندل الطريق بس
كلهه تتشابهه والعلامات بالكردي
وحته اقليه اليحجون عربي ايست
منه وغير تهديداته الشيء الوحيد
الي سواهه هو اخابر صميم اخويه
ومجرد اعرف حال زمن وهو يعرف
حالتي  ..

:: كملت اجيت عزلت البيت صارت
بيه سوله بالتنظيف والطبخ بحيث
تارسه المجمده اكل بس ينحمي
تاهت الايام عليه وتشابهت صرت
مااتذمر ولا اشتكي ..

:: صارت العصريه طلعت كم شغله
حطيتها ع نار ورحت شفته ماكوو
بعد حملي عزلنا الغرف صار هو
بوحده واني ويه بنتي كل الي بينا
من يريد حاجته مني ياخذها ويروح
هو يسب بيه ع برودي وميخلي واحد
من اهلي مايسبه ويعيرني بيهم نوب
يرجع يعتذر