خلف جُدران الأزِقة (مكتمله )

البارت الـ 27

. خلف جدران الأزقــــــة...

. ࢪيـام السـاعدي.

. البـارت الـ 27..

. صرت احسك مو شخص بعدال ديرة !

"انتَ بغدادي الزغيرَه 🧡."

🕊🌿 …

مهدي ـ: ها خوويه شنو الأخبار بشرر.

حيدر : اووف ؏ حطة ايدك نوب غافلتني
وطلعت من ورايه لوما أمي تگول فلا أدري
هاي گبالي گاعده گبال المرڪز حالتها حاله
رحت سألت الضابط يگول الف حاله فقدان
دتجينا باليوم والوضع أسوء من الأسوء
بالمختصر اذا لگيتوا جثتها هاي من الزينات
ويدير وجهه الك..

ـ حيدر طلعها مناك خل تگعد بالبيت ولا تفوت
مراڪز زحمه اني معاشرهم وصرت اعرفهم
طينتهم شني تلت ارباعهم اخلاقهم سزز واذا
شافوا ابنيه وحدها ماتسلم خليك وياهه وابد
لاتنطي مجال لخاطر ابوهن..

ـ شبيك يحتاج توصيني اصلا مراضي ؏ جيتها
غير ذوله يشمرون حجي گوه لزمت أعصابي
واحد يگلي خاف حجيهم صح وشردت ويه
صاحبها وثاني يگول تايهات بلا عشيره
هسه تلگاهه من حضن حضن وحجي ماينلبس
عليه ثوب الله وڪيلك ادبسزيه..

ـ هو هيثم طفرت روحه من اسلوبهم بس بعد
هذا طريقنا اختاريناه نتحمل شنسوي .. يلا
بالك وياهه وطول خلگ تعرفها شگد عنيده
ومصابها مو هين غيد ابنيتها مو اختها والله
لو مو دوام جان نزلنا ندور بيت بيت..

ـ هاي شڪوو..

ـ هااا

. ماادري دقيقه شبيها ترڪض..

زمـن : 2006 هاي جانت أسوء سنه مرت ؏
العࢪاقيين بدايته صارت الأنفجارات بڪثره
صار الواحد ما يأمن ؏ نفسه من يطلع يمڪن
؏ أي لحظه يموت بعدها تطورت الاحداث الى
حرب أهليه وتقسمت المناطق بين سـن/ـة و
شيـ/عـه وصار القتل ؏ الهـويه أأسمك عمر
اسمك حسين.. لقبك.. منطقتك.. لهجتك صار
يحڪم عليك بالأعدام

ـ ڪثره الأبلاغات بحالات الفقدان وبعد يأس
ذوي الضحايا من مراڪز الشرطه والمستشفيات
بحيث من تفقد قريب ما تتوجه هناك لاا تروح
لمڪب النفايات مناطق مهجوره ساحات واسعه
متروڪه عسى وان يلگون مفقودهم وهم نعمه
من رب العالمين اذا لگيته صاغ سليم بدون ما
تشوهه..

ـ متوسطه النسوان بين الدعاء والبجي والنعاوي
ڪلمن بطريقته يعبر عن حزنه مااعرف ليمني
شنو مذهبها ولأي طائفه بس نشترك بشيء واحد
ڪل واحد بينه فاقد عزيز.. مرات نشوف تصير
هوسه وبجي مصحوب بفرحه والسبب مو لأن
لگه فقيده لاا بس لگه جثته هذا حال العراقيين
صار يگول ابجي ؏ گبره أهون من لوعه فقدانه
حته فرحنه يختلف..