خلف جُدران الأزِقة (مكتمله )

49

. خلف جدران الأزفة

. ريام الساعدي

. البارت ال 49

🦋
🍁

.. هــاك اقره يالتقره الورد شاطر جنت بقرايته
وقراني واحد مختنك ضاكت بعينه اولايته 🌸🌸

لـــ نــهاد الخيكاني

🦋 ...

:: انتي ثولة مطيه شكبرج بعد
اتصيرين تجيج وحده متعرفيها
اتكلج اشربي شي تشربيه ؟ يعني
لو يكولوج اشمري روحج بالشط
تشمرين شكد غبيه

:: شبيك صميم طفله ..

:: بكد البغل وتصيح طفله لو
بس فالحه بغير سوالف ..

شمس : امي حاضنتني وكلهه فوك
راسي تسأل وينها ود اني تفأجات
هي ماكو رجعوا سألوني شصار ما
جذبت حجيت الهم الصار مااشوف
غير نزل عليه ب رزايل كدامهم بس
ابويه وجهه احتقن لأن مراضي ..

:: امشوا ندور عليها .. واحد يروح
يشوف الكاميرات بلغوا امن العتبه
بسرعة اتوزعوا يجوز بعدها اهناا
يلا همتكم

:: صار الفجر والعالم بدت تجي
والمكان بده يكتض بالزوار كل
مايمر وقت يزيدون تصعب مهمه
انو يكلوها ما بلغنه غيد لأن عدنه
امل نلكاهه من اجوي وجهم ما
تتفسر سألوهم ..

صميم : رايح للمركز .. دنيا لزمي
ولدج خليهم ع كلبج فهاوه مااريد
مو قسمناكم وجبتين اتعوفن بتها
بيد المزعطه اخخخ منج اخخ ..

مهدي : جاي وياك ..

ام حيدر : هاا شصار ..

حيدر : شايفين مره جايه كاعده
يمهن بحدود خمس دقايق وراها
شمس نامت اجتي وحده اضخم
منها شالت ود وخلتها جوه عباتها
وطلعت وضاع اثرها ..

دنيا : يمه وين انطي وجهي شكول
لأمها تعاي ضيعت بتج ..

:: ادعن بلكت يلكوها ..

:: مرت اكثر من اربع ساعات رجعولنا
كالوا محمد ياخذجن للبيت ضلتكم
هنا مالها اي معنى .. صح مابقلن
وكالن رجلنا ع رجلكم بس صميم
عاط بيهن كلهن نضل ندور لو نحتار
بيجن شوو امشن عايزين جرجره
مو كافي ..

زمن : لازم اتبلغون غيد ..

صميم : اخابر علي واكوله

...

علي حيدر : ماكو إنسان محطوط ب ضغط نفسي أكثر من الرجال

من أول "أنت رجال لازم ماتبجي "

مرورًا ب " أنت الرجال لازم تتعب"

لحد " إنت الرجال اتصرف"

و مع صعوبة المعيشة وصعوبة إن الشاب
يوفر لنفسه وللي يحبهم حياة مريحة
يضل يركض هنا وهنا ويذب نفسه
بنص النار في سبيل يلبي كل احتياجات
عائله من هو شاب لحد مايتزوج ..