ثبت على يديه🌱مكتملة🌱

🌱الجزء 18🌱

🌓تبت على يديه🌓
💎بقلم : ايمان العماري💎
✨الجزء : 18✨
وصلات المحمدية نزلات فالمحطة دتران وقفات شحال كتشوف فالناس غاديين جايين ، وهي غير واقفة وكتشوف بحال شي وحدة مصدووومة .. معرفااش فين غاتمشي ولا تجي .... وخا نور وحدة متفتحة فدماغها وحرة فتصارفاتها ولكن عمرها مابعدات على دارهم حتى الى بغات تسافر كتسافر مع ماماها .. ولا خوها ... بقات مدة وهي واقفة تما حدا لگار  حتى وعات براسها عاد تحركات مع طريق ... ومعرفاااش فين غادة غير كتمشى حتى شيرات بيديها على طاكسي وركبات معاه

- فين غادة ابنتي

نور تنهدات : ديني لاقرب حي عفاك

- كتباني  برانية على هنا

نور : بحال هكاك

- عندك عائلة ساكنين هنا ؟

نور : لا

- : وفين باغا تمشي

نور : معرفتش

سكت كايشوف فيها بقلة حيلة ، بانت ليه برانية وباينة فيها نية ماعارفة والو

- كاينين بيوتة مفرشين لكرا لابغيتي تكلسي فيهم بينما لقييتي بلاصة ماحسن

نور : بصح !

- اه راه كاينين فهاد الحي نيت لي غانديك ليه

نور : غادير فيا خير كبير والله

- غير هو ردي بالك الحي شوية صعيب وفيه لگريساج بزاف خاصك متعطليش على برا بزاف

نور هزات راسها باااه  حتى دخل بيها الحي وفقها قدام واحد الدار خلصاتو ونزلات دقات فديك الدار حتى حلات ليها واحد لمرا كتبات بقى صغيرة فالعمر طلعات فنور وهبطات عاد نطقات

- : كاين مانقضيو

نور سرطات ريقها : صراحة اه .. قالو ليا كتكري شومبرات بغيت نكري  واحد لاكانو مزال كاينين

- علات حاجبها : خدامة هنا ؟

نور زيرات بيديها على سمطة دصاك : لا عاد ناوية

- :  كاين بيت لكرا ولكن غتعطيني شهراين تسبيق

نور : وخا

- دخلي

دارت ليها طريق منين دوز دخلات نور هي لولة ووقفات فالعتبة دالباب حتى سدات لباب وسبقاتها لدروج ونور من موراها طلعو الفوق .. الدار كانت كبيرة وفيها 5 دالبيوت تلاثة لتحت وجوج الفوق وقفات قدام البيت وجبدات سوارت من جيبب دطابلية حلات البيت ودخلوو كان كبير ومفرش زوين ونقي