ثبت على يديه🌱مكتملة🌱

🌱الجزء 138🌱

🌓تبت على يديه🌓
💎بقلم : ايمان العماري💎
✨الجزء : 138✨
نور هزات راسها بلا : لا ماجلستش معاه ... بقينا غير واقفين ... عرض عليا القهوة .. ولكن مبغتيش ندخل لقهاوي و نجلس فيهم

بدر الدين : مكانش عليك تخرجي بلا خباري

نور : سمح ليا عافاك .. كنواعدك عمرني بقى نعاود

بدر الدين حرك راسو بالنفي : لي كدب مرة يكدب جوج و انا منقدرش نعاود نتيق فيك

خلاها ومشااا وخرج ....

نور ضارت موراها باغا تبكي : بدر رجع نهدرو ... بدر .. متفهمنيش غلاط ... رجع عافاك ( جلسات فوق الدرجة كتبكي ) علاش كلكم كتفهموني غلاط علاااااش ...

نجاة ونهيلة سمعو صوت البكا خرجو من بيتهم كيجريو

نجاة : نور !!

نهيلة : نور مالكي 

نور  كاتبكي : مادرت والو ا خالتي انا غير خرجت نشوفو والله ما بيني وبينو شي حاجة .. هو بحال خويا وجا باش يشوفني ويطمن عليا ....

نجاة : شكون هدا اللي شفتي ؟؟؟

نهيلة : ماما واش مكتشوفيش حالتها كيف دايرا خلينا نطلعوها لبيتها بعدا عاد سوليها

نور نترات يدها : مبغيتش نطلع .. خليوني هنا .. بغيت نبقى غير هنا

نهيلة : متبقايش جالسة هنا و كتبكي ... طلعي بعدا لبيتك وديك ساعة بكي

نجاة خنزرات فيها : سسكتي .. ( و شافت عند نور ) نوضي عافا بنتي دخلي لبيتك وبدر الدين راه وخا يغضب عليك دبا يرجع هو لعندك يتصالح معاك ...

عاونوها حتا وقفات وطلعوها لبيتها ....

نهيلة : رتاحي دبا و خويا دبا يرجع فلليل ونهدرو معاه

نور كتشوف فيهم و كتبكي

نجاة كتمسح ليها دموعها : باركة من لبكا ولدي راه كنعرفو غايكون غير تعصب وخرج باش ميتزايدش معاك فالهدرة
رتاحي دبا وفالليل ملي يرجع غنهدر معاه

نور شافت فيها وعينيها كيتقطرو بدموووع :  قاليا عمرو مغيعاود يتيق فيا

نجاة : ولدي راه غير داوي ... انا كنعرفو وخا يقوليك ديك الهدرة راه غير حيت معصب ... بدر الدين كيبغيك وكيغير عليك ... ومكيبغيش لي يشوف فيك ... من غيرو الحمقة

نور عنقاتها كتبكي : ياك غيرجع يهدر معيا ا خالتي ياك

نجاة تبسمات كتمسح على شعرها :   وعلاش هو يقدر يفرط فيك ! ... دبا يرجع فالليل وغتشوفي بعينيك

نهيلة : ماما خليها ترتاح ويلاه نخرجو

نجاة : رتاحي ابنتي وماديريش فبالك شي حاجة .. غير  مرة أخرى متعاوديش تكدبي عليه ... وتخرحي من دارك وهو مكينش فيها ...