🌓تبت على يديه🌓
💎بقلم : ايمان العماري💎
✨الجزء : 95✨
كان واقف حدا الباب كيستقبل فرجال وصحابو لي عرض عليهم اما النسا كانو وصلو وستقبلاتهم نجاة و ربيعة
كان تاهو بالبلدي طايح عليه السر . .....
كان بتقاشر بيضين وبلغة بيضة و جبادور بسروال ديالو
ويديه مزينها بساعة تاع الجلد و براسلي فضي مدلي فيديه ... وريحة العطر الرجولي فايحة منو .....
يونس ضرب ليه على كتفو : ا تبارك الله على سي لعريس خطبتي وتزوجتي وماقلتي لينا والو
بدر الدين : راني منسيتكش بعدا عرضت عليك
يونس : لا لا كون غير نسيتيني داك ساعة منعرفك من هنا لهيه نتا من طريق وانا من طريق
بدر الدين علا حاجبو : واايلي
يونس ربع يديه : اجي بعدا شكون هي العروسة لي فتحات لينا قلب بدر الدين وخلاتو يفكر فزواج ؟
نطق واحد من صحابهم ....
- آش بغتي بشي عروسة نتااا دبا
يونس : وهدر اصاحبي فين تعرفتي عليها واش شي وحدة من العائلة ؟
بدر الدين : لا
يونس : و شكوون هي ؟؟؟
بدر الدين خنزر فيه هو يفهم راسو وسكت
- راه قلت ليك تعلم دخل سوق راسك نت لي مكتسمعش لهدرتي
شافو العدول وصلو يونس وصاحبو ستقبلوهم وداوهم لصالة لي غادي يعقدو فيها عقد قرانهم و بدر الدين مشا عند نهيلة علمها باش ينزلو نور لتحت وتاجه الصالة فين كان جالس العدول والمختار وصحاب بدر الدين ... جلس معهم بدر الدين كيتسناااو فلعروسة تشرفهم .....
شوية دخلات نجاة و نهيلة وربيعة دخلو مهم نور لي كانت حانية راسها شادة قفطانها بيدها مزيرة عليه يونس كيشوف فنور مصغر عينيه شوية هو يوسعهم على جدهم وضار شاف عند صاحبو تاهو بحالو كيشوف فنور مصدوم
بدر الدين هز راسو فيها وتبسم بلاما يشعر وهو كيشوف فيها داخلة بقفطانها الابيض و الحجاب زدها نور كثثر حدر عينيه وضار عند العدول ونور شداتها الخلعة بزز باش كتحاول تحكم فراسها ...
جلسوها جنب بدر الدين ... غير جلسات حداه هي تختارقها ريحتو .... الرجولية غمضات عينيها كتستنشقها بعمق حلاتهم .. وخطفات فيه الشوفة ... من جنب بانت ليها غير لحيتو لي مزينة وجهو ..... نزلات عينيها فاش شافت نجاة كتشوف فيها ... وهي تحدر عينيها بزربة كتفرك فصبعانها
العادل خدا البطاقات ديال بدر ونور باش يبداو اجراءات زواجهم وداكشي لي كان .. بدر الدين مد يديه لستيلو هزو وسينا وقرب الكتاب لنور وعطاها ستيلو بقات كتشوف فيه مدة وخداتو من عندو ويديها كيترعدو وهدشي لاحظوا بدر الدين سينات حتى هي ... غير سنات بدر الدين تنهد تنهيدة طويلة مخرجهاا من اعمااقو بحالة كان هاز حبل فوق كتافو واليوم نزااح عليه ...
العادل : بارك الله لكم وبارك عليكم وجمع بينهما في خير وعافية وستر من الله سبحانه وتعالى
BẠN ĐANG ĐỌC
ثبت على يديه🌱مكتملة🌱
Lãng mạn💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
