🌓تبت على يديه🌓
💎بقلم : ايمان العماري💎
✨الجزء : 21✨
نور : خدمت فرملية فواحد الكلينيك فكازا
- مزيان ها نمرة ديالك ملي يرجع الباطرون غانهدر ليك معاه و فالليل غانعيط ليك
نور : ان شاء الله
- مايكون غير الخير اختي
نور ابتاسمت ليه ومشات لاكيس دفعات لحساب للي عندها وخرجات كادور فالمدينة فينما تبان ليها شي بياسة فشي بوتيك زوينة كتحدر راسها وتزيد .. مبقاش عندها إمكانية تاخد لي بغات ... دابا كولشي تبدل درهم لاخرجاتو خاصها تعرف فاش اتحطو .. نور من نوع اللي كيعجبها تهلا فراسها من ناحية اللبس والمكياج عندها المظهر اهم من اي حاجة .... ولكن دبا مبقاش عندها الجهد لهدشي بقات كادور حتى بدا المغرب كيودن خدات معها عشاها من زنقة ماعندها الگانة لي طيب
رجعات لشومبر ديالها دخلات وسدات عليها .... تاداز الوقت وضربات تسعود دالليل هو يبدا تيليفونها كيصوني بززربة ناضت هزاتو من صاكها .. غير شافت نمرة ممقيداش عندها عرفاتو غايكون داك الولد
نور : الوو
- سلام .. نور ياك !
نور : هي انا
- معك منير سيرڤور لي خدا نمرة ديالك فالقهوة
نور : اييه عقلت عليك
منير : غدا دوزي مع تسعود دصباح الباطرون بغا يشوفك
نور : واش بصح ! .. هي صافي وافق يخدمني
منير : اه غير دوزي ضروري عندو بحال والو تبداي غدا الخدمة معنا
نور : معرفتش كيفاش غانشكرك والله
منير : ماعندك علاش تشكريني راكي بحال ختي
نور : الله يحفظك عمرني نسا خيرك ووقفتك معيا
منير : على الله غير تخدمي هديك هي الفرحة
نور : غدا مع تسعود نكون تما عندكم
منير : غاتلقايني كنتسناك
قطعات عليه وهي غاطير بالفرحة مشات لديك ساشي هزات سندويش ديالها كتاكل ومقداها فرحة بغات غير امتى يوصل غدا وتبدا الخدمة وخا ماشي هي لي كانت بغى ولكن تقضي بيها بينما لقات ماحسن .. تعشات وناضت خرجات الحمام المشترك لي فدار غسلات سنانها وطلعات لشومبر ديالها تنعس باش تقدر تفيق غدا بكري
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
