🌓تبت على يديه🌓
💎بقلم : ايمان العماري💎
✨الجزء : 115✨
نور بدات كتبكي : كدبتي عليا .. كاع الهدرة لي قلتي ليا قبل زواج مابقى منها والو ... بغتي تحبسني عندك فدار وتفرض عليا داكشي لي بغتي ..
بدر الدين : مغنحبسكش... وعمرني ماغنحبسك ... بغتي تخدمي خرجي خدمي .. مغنوقفش فطريقك غير هو واش نتي عارفة شنو كيوقع فهاد الخدمة ولا معرفاش ؟؟
نور غير كتبكي وتشوف فيه
بدر الدين : الخدمة لي نتي خدامة فيها مفيهاش غير نسا بحالك .. فيها نسنا ورجال .. يعني بلاصة مختلطة .. فين ضرتي غتلقاي واحد قدامك احتكاك المرأة برجل واش ماشي حرام !!
نور بلعات ريقها : هادشي لي كتقول مكينش
بدر الدين : و التحرش لي كيوقع تاهو مكينش !
نور : 4 سنين وانا خدامة عمر شي واحد تجرأ عليا وقرب مني
بدر الدين مسح على وجهو : صافي ديري لي بغتي .. بغيتي تخدمي خدمي من دبا .... صافي رتاحيتي !
نور رجعات كتبكي : لي كنت خايفة منو طحت فيه .. وكون بقيت ديال راسي حسن ليا من هاد الزواج
بدر الدين كيشوف فيها موسع عينيه وجهو تزنگ آخر حاجة يتوقع يسمعها منها هي هاد الهدرة حدر عينيه الارض وزاد باغي يخرج حتى ستوقفو كلامها
نور : من لول مكاانش خاصني نوافق .. قلتها ليك .. انا وياك بعاد على بعضياتنا ... نتا تفكيرك فشكل وانا كذلك معندناش حتى قاسم مشترك لي غيجمعنا ... انا وياك مختالفين انا عندي كلشي عادي عكسك نتا لي رجل دين وعارف من الحرام الحلام وانا هدشي عمرني حتى فكرت فيه لي جات على بالي كنديرها بلا منفكر... . ونتا اي حاجة كديرها الا وكتاخدها بعين الاعتبار ... انا لا هادشي عمري عرفتو ولا حتى درتو ... ( بدر الدين منزل راسو كيشوف فالارض مزير على يديه بجوج وصدرو كيطلع وينزل ) قبل مانوافق على زواج سولتك واش يرضيك تزوج بوحدة متحررة بحالي ... ونت وافقتي وقلتي ليا علاش لي منرضاش اما دبا كيبان ليا العكس .. نتا مراضيش على مراتك ... نتا خاصك وحدة تكون منقبة متبين حنا انش فيها تغطا كاملة وتاراجل ميشوفها ليك اما نور ( ضحكات بمرارة ) عمرها مغترضا ليك بهدشي ... شفتي شحال دالفرق بيني وبينك !!! ...
بدر الدين سكت مدة و علا راسو فيها : غير نتي لي كتشوفي هاد الفرق اما انا مكنشوف حتا فرق بيني وبينك
نور بلغوات : حيت نتا للي مباغيش تشوف هاد الفرق
بدر الدين : سكتي غيسمعو غواتك لتحت
نور : خليهم يسمعو .. خليهم ... ولا عرفتي شنو انا دابا غنهبط عند خالتي نعاود ليها باش نيت ... تعرف ولدها معندوش كلمة .....
جات باغا تحل الباب هو يجبدها من دراعها تاوسعات عينيها وقلبها لعندو بسرعة مزير على دراعها حجبانو معقودين الغضب واضح على ملامحو خلاها تبلع ريقها بداك الشوفات لي داير فيها وتخاف منو لأول مرة
بدر الدين : الى بغتي تشكي على الواليدة خلي هادوك حتى يمشيو ونزلي عندها اما دبا متحلميش بيها
نور بسخرية : خفتي العائلة يسمعوني ويعرفوك معندكش كلمة وراه نيت معندكش كلمة مالي كدبت فيها
بدر الدين حرك راسو بلا : مبغيتهمش يديو خبارنا ويعاودو علينا مع البراني
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
