ثبت على يديه🌱مكتملة🌱

🌱الجزء 87🌱

🌓تبت على يديه🌓
💎بقلم : ايمان العماري💎
✨الجزء : 87✨
ربيعة : شرفو وشرف حتى عائلتنا ختي نجاة حنا ناس صمعتنا زوينة متجيش وحدة توسخها لينا

نجاة : استغفر الله العظيم ...  ربيعة شفتك ملي جيتي ونتي حاطة عينيك على البنت فينما جاتك الفرصة تنوضي تشمتي فيها وتهضري عليها بالخايب ! ... اش كاين هضري جييني نيشان مالك مع البنت شنو دارت ليك باش ديري عليها هاد الحالة ؟؟؟

ربيعة : كنقول كلمة الحق اختي مبغيتش ولد ختي يتشمت الى نتي ماجاتك النفس على ولدك انا جاتني ومنبغيش تجي برهوشة ضحك عليه وعلينا

نجاة : هداااك ولدي وتاواحد ماعندو الحق يدخل ليه فحياتو ولدي انا مافرضت عليه تاحاجة كون مكانش عينو فنور والله لاوافق ليا ياك انا مو وميبغيش يخسر ليا خاطري ولكن لامبغاااش داك الحاجة والله لادارها انا غير ختاريت ليه وهدرت معاه على نور مبززتش عليه يديها

ربيعة : ونتي مالقيتي ماتختاري ليه غير نور ...فكرتي فالبراني وخليتي اللي من لحمك ودمك

نجاة : كيفاش  ؟؟؟؟

ربيعة ربعات  يديها  وقلبات وجها : زعما كاديري راسك مفهماااش

نجاة : هدري وقولي شنو عندك

ربيعة : نتي بغتي تزوجي ولدك علاش  مختريتيش ليه وحدة من بناتي

نجاة عاد طلعات معها : دبا نتي هادشي علاش شادة ضد مع نور فينما تبان ليك تبداي تهدري عليها بالخايب وقولي هكاك وانا نفهم ...( نجاة تقدات فالجلسة )  سمعني اختي ربيعة بناتك راهم بناتي وعلى راسي وعينيا ولكن ولدي بدر الدين راه وخا كون قلتها ليه مغيوافقش يتزوج وحدة منهم 

ربيعة : علاش مال بنااتي شنو ناقصهم الزيين زوينات الحجاب متحجبين .. شادين طريق الله ... فين يلقى بحالهم

نجاة : بدر الدين داير بناتكم بحال ختو نهيلة واش عمرك شفتي شي اخ كيتزوج ويبغي ختو !!

ربيعة : ياختي  وبلاما دوخي عليا بهاد جوج هدرات تامنكونش كنعرفك  .... كون بالك تزوجيه لبنتي كون درتيها شحال هادي قولي غير مبغيتش ليه بنتي لاش كتخلقي فالاعذار

نجاة : علاش اختي لي منبغيش ليه بنتك ... بنتك راها بنتي ونبغي ليها الخير  كيف نبغيه لولادي وربي هو لي بغا نور لولدي حنا غير سبب .. كولشي بالمكتاب .... ربي راه زوجهم فسما عاد زوجهم فلارض

محجوبة : سكتونا من هاد الهدرة يمشي ينزل شي واحد فيهم ويسمعكم

ربيعة  شافت فمحجوبة : ياك امِّي حتى نتي جيتي  من جيهتها

محجوبة : ماجيت لا معاك لا معاها جيت مع الحق وولدي بدر الدين لابغا نور راه لا نتي لا انا مغنقدرو نوقفو فطريقو غير هني راسك