🌓تبت على يديه🌓
💎بقلم : ايمان العماري💎
✨الجزء : 82✨
نهيلة : نور نتي هنا !
نور مدات يديها بزربة كتمسح دموعها ....
نور : دخلي ا نهيلة
دخلات نهيلة وسدات الباب موراها قربات عند نور وجلسات حداها ......
نهيلة : ماما وجداتي كيسولو عليك ... علاش منزلتيش تفطري
نور كتهرب عينيها : مفياش جوع
نهيلة : اويلي على مفيكش جوع نوضي تنزلي تفطري ماما بغات توريك شي حاجة
نور : مفياش ا نهيلة والله خليني عافاك بغيت نبقى بوحدي
نهيلة كتشوفيها مصغرة عينيها : نور واش كتبكي !
نور حدرات راسها كتغزز فشفايفها عيات تحبس فيهم تابداو كيسيلووو بوحدهم من عينيها
نهيلة : نور ! .. مالكي ... اويلي واش كتبكي بصح !! ... علاش كتبكي واش شي حد قاليك شي حاجة ؟؟
نور : خليني بوحدي عافاك
نهيلة : قولي ليا مالك شنو بكاك ... واش خويا ...
نور قاطعتها بعصبية : بغيت نبقى بوحدي واش تاهادي ممنحقيش !!!!
نهيلة بلعات ريقها : صافي انا انخليك بوحدك غير متبكيش وخا !
ناضت من حداها وخرجات يلاه اتسد لباب هي تبان ليها ماماها طالعة فدروح .....
نجاة : فين هي نور علاش منزلاتش !
نهيلة سدات لباب وقربات عندها : نور فبيتها ا ماما
نجاة : فايقة !!!
نهيلة : ااه فايقة
نجاة : وعلاش منزلاتش تفطر
نهيلة تنهدات : دخلي هضري معها راه معرفت مالها كتبكي
نجاة وسعات عينيها : كتبكي ! اويلي مالها لبنت شكون بكاها ؟؟
نهيلة : وانا عرفت مالها .. تانا بحالي بحالك
نجاة دفعاتها من طريق : حيدي من قدامي نشوف البنت مالها
مشات الباب يلاه غتفتح هي تنطق نهيلة
نهيلة : راه قالت بغات تبقا بوحدها
نجاة مسمعاتش منها فتحات الباب ودخلات ...
نجاة : بنتي نور
نور سمعات صوت نجاة ناضت قافزة ...
نور : خالتي !
نجاة : مالكي كالسة هنا بوحدك علاش منزلتيش تفطري معانا ؟
نور حدرات راسها لارض وطاحت جالسة فوق النموسية منزلة راسها تابدات كتشهق بالبكا ....
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
