ثبت على يديه🌱مكتملة🌱

🌱الجزء 49🌱

🌓تبت على يديه🌓
💎بقلم : ايمان العماري💎
✨الجزء : 49✨
كان طالع لسطح هاز قهوتو فيدو حتى وقف قدام الباب موسع عينيه من داكشي لي كيسمع ....

نور : متصورش شحال توحشتك واش مغتجيش المحمدية ؟

فؤاد : مزال ولكن ضروري مانجي نشوفك خاصني غير  نقاد بروگرام 

نور :  الجو هنا زوين وحتى المدينة زوينة بزاف وناسها تاهوما زوينين

فؤاد : اهم حاجة تكوني مرتاحة تما ... امضرا مزال خدامة فالقهوة ؟؟

نور سرطات ريقها : ااء .. لا خرجت منها

فؤاد : اهااا ....

نور : وليت دايرا خدمتي كممرضة ومقابلة واحد السيدة فدارها

فؤاد : مزيااانة والله .. راه دويت ليك مع صحابي لي تما غير صبري دبا يشوفو ليك .... شي بلاصة فكابيني ولا كلينيك

نور : شكرا بزاف والله منساش وقفتك معيا

فؤاد : مابيناتناش هادشي راكي عزيزة عليا

نور : وحتى راك عزيز عليا بزاف

بدر الدين كمش عينيه مكانش  باغي يبقا واقف كيتسنط عليها و فنفس الوقت مقدرش ينزل بلاما يعرف شكون هدا بضبط لي كانت كتهدر معاه بديك لافاصون حيت من هدرتها عرفها زاعمة عليه وغاتكون بيناتهم شي حاجة
نور سالات هضرتها مع فؤاد ضارت بغات تمشي هي تبلوكا فبلاصتها ملي شافتو قدامها وهو حادر عينيه لارض مكيشوفش فيها

نور بلعات ريقها وشافت فيه وهي تخشي تليفون فجيبها وخشات حتا يديها فيهم ومشات بغات تنزل يلاه وصلات جنبو وقفها بهدرتو

بدرالدين : (بلا ميشوف فيها نطق) معامن كنتي كتهدري

نور  ضارت شافت فيه :  باااغدون !!!

بدرالدين بجدية كثر :  معامن كتهدري

نور : كنضن ماشي من حقك تسولني هاد سؤال ولكن نجوبك مدام سولتي  كنهدر مع صديق ديالي

قالت كلامها  جات ماشية وهو يوقفها تاني بهدرتو  لي كلها حكمة ورزانة

بدرالدين :‏ ليس في ديننا علاقة بين الرجل والمرأة
إلا الزواج وما عدا ذلك فهو باطل  (شاف فنور لي وقفة كتسمع وهو انزل عينو تاني مكمل هدرتو )
صداقة إلكترونية ، صداقة عمل ، صداقة محترمة ، صداقة نقاش وو إلخ كلها مسميات شيطانية
وكل هذه المُسميات ماهي إلا تمرير للمنكر لا أكثر ومحاولة تحسين صورته حتى تستسيغه الانفس  فيألفونه ولا يستنكرونه !! ...صديق المراة هو زوجها او أبوها او أخوها أو إبنها فقط ..... وصديقة الرجل زوجته أو أمه أو أخته أو إبنته لا غير  عارف بلي هدرتي غدي تجرحك  ولكن ثمنها هو الجنة  فتقي الله اختاه

نور : هو بحال خويا وهو عاوني بزاف  والى تاصل فراه حيت كيبغي  اطمن عليا

بدر الدين : الله اجازيه ولكن هدا مكيعنيش تحيدو حدود بيناتكم نتي وياه  وتلقاي راحتك معاه فالهدرة شيطان كيحضر ومدام هو ماشي من محارمك ف من الاحسن تحطي حدود بيناتكم

نور : واش كنتي كتصنط عليا ؟؟

بدر الدين : سمعت هدرتك بصدفة مفراسيش بلي طلعتي لهنا

نور : مدام كتفتي عليا وانت لي وقف كتهدر معيا دبا باشمن صلة كتهدر معيا حيت حتا انت ماشي من محاريم تاعي على حد علمي

بدرالدين :  عندك الحق وانا هدرت معك كنصيحة منقدرش نشوفك كتغلطي فوسط داري  وندير راسي مشفت والو انا وقفتك وهدرت معك ونصحتك ماشي كنفتي عليك الحرام بين والحلال بين

دار عطها بضهرو وخلاها واقفة كتشوف فيه كيف نزل