ثبت على يديه🌱مكتملة🌱

🌱الجزء 72🌱

🌓تبت على يديه🌓
💎بقلم : ايمان العماري💎
✨الجزء : 72✨
نزلات نهيلة لتحت ونور دخلات  لبسات جلابة فالبلو سيااال جاتها على فورمتها نيشان لبسات معها شال فنفس اللون دجلابة ولبسات صندال پلا ماشي طالون ونزلات لتحت لقات غير نهيلة  واقفة كتسناها خرجو ركبو فطوموبيل للور ونجاة لقدام حدا ولدها وديمارا مكسيري

نجاة : بشوية اولدي راك داير سرعة نقص شوية

بدر الدين خفف شوية السرعة مزير بيديه على الڤولون حتس براسو معصب ومعرفش علاش اصلا .. خطف شوفة فيها من المرايا بانت ليه خاشية راسها مع تيليفونها وكضحك هي ونهيلة .... حتى كان غيسهى تاني هو يستغفر الله فنفسو مينكرش انها كتعجبو من اول مرة دخلات عليه المحال وفيديها لي كافي .....  ودابا زادت فتناتو كثر بالحجاب  مكرهش كون غطاها كاملة  ... ويبقى يشوفها غير هو بوحدو ولكن صعيبة بزاف هو مباغيش يخليها تنفر من شي حاجة باغي كل مرة يقربها من حاجة فالدين حتى تقتانع راسها ....
شاف فمو بتاسم ليها وشد يديها باسها كأنه كيشكرها حيت ختارت نور تكون مراتو .... بنت زوينة وناضجة فعقلها وخا ... بقى مستهترة فشي حوايج ولكن مع الوقت ربي غيهديها  .....

وقف قدام واحد البوتيك خاص بالملابس التقليدية نور شافت من زاج جلالب وهي تغوبش وهدشي مخفاااش على بدر الدين كان حضيها من المرايا وهو اصلا عارفها مكتحملهمش ولكن خاصها تعود عليهم

نزلو من طوموبيل دخلات نجاة ونور ونهيلة لبوتيك وهو بقى واقف على برا متكي على طوموبيلتو مخليهم ياخدو راحتهم ويختارو ليها داكشي لي بغات ...

تقريبا ساعة وهوما لداخل ونجاة كتختار لنور جليلبات بشيلان ديالهم وقفيطنات دتوب الجوهرة تهلات فيها مزيان ... نور رغم انها مكتبغيهمش الا انها فرحات حيت تعاملت معاها نجاة مزيان وكبرات بيها وتهلات فيها  معاملتها خلات ديك الحرقة دموت ماماها تبرد شوية ونسات شوية من همومها ومشاكيلها والماضي ديالها الاليم

نجاة عيطات على بدر  يخلص وهوما خرجو  محملين بصاشيات حطوهم فالكوفر  وركبو فطوموبيل وديمارا البوتيك  آخر ... 

نزلات هاد المرة غير نهيلة ونور دخلو بجوج خدات نور بيجامات لي غيخصوها ولي دوبياااس حتى وقفات عليها نهيلة هازة شوميز دونوي بيضة فيديها هي توسع عينيها

نور : شهدشي جبتي ليا

نهلية : شفتك كتختاري فبيجامات ونسيتي هادو

نور : رديهم بلاصتهم معندي ماندير بيهم

نهاية : اويلي واااش  منيتك  ... هادو راهم اول حاجة كان خاصك تاخديهم ونتي طحتي ليا فالبيجامات .... اتلبسي لخويا بيجامة فليلة الدخلة !!!!

نور عضات على شفتها : خوك اصلا كيجيني فشكل ومكنضنش ايكون كيعجبو هادشي

نهيلة علات حاجبها  : نعيط ليه نسولو

نور وسعات عينيها  : حماقيتي واقلة .. سيري رديه بلاصتو ويلاه نمشيو

نهيلة غوتات : بدر الدين