ثبت على يديه🌱مكتملة🌱

🌱الجزء 102🌱

🌓تبت على يديه🌓
💎بقلم : ايمان العماري💎
✨الجزء : 102✨
زيرات بيديها على الكوافوز وهبطات راسها لارض مقداش تكمل فيه الشوفة وهو بداك الهبة والكاريزما كاملة ...

بدر الدين سد الباب وميل راسو فيها كطيلع ويهبط فيها
بداك القفطان زادت فتناتو كثر  ...
قرب منها  بخطوات بطييئين  وعينيه كيسكانيو فيها من راسها حتى لرجليها ..  وقف قدامها وعينه محيدووش عليها اما هي منزلة راسها كتحس بقلبها قريب يخرج من بلاصتو هاد اللحظة بذات كانت متخوفة منها ودابا زاد خوفها كثر وهوما مع بعضياتهم فغرفة وحدة ... بلعات ريقها بسيف وطلعات فيه عينيها ... حتى تقابلو الأعين بعضياتهم كتشوف فيه بعويناتها وكترمش وشعرها طايح على عينيها ديرونجاها مدات يدها تبعدو من عينيها هي تشوفو جاي مقرب ليها ..... حدرات راسها مزيرة على عينيها وصدرها كيطلع وينزل باين من قفطانها ويديها كتحس بيهم بردو ... و كيرجفو  زيرات عليهم فاش حسات بملمس يديه  على خدها ....

بدر الدين كيشوف  فوجها المزنگ وملمسو سخووون كانت  كتبان قمة فالجمال هي زوينة وزادت زيانت كثر السر طايح عليها كيف ما كيطيح على كل عروس فليلة عمرها

قلبو بدا كيضرب  ملي جاو عينيه على شفايفها المنفوخين ولامعين بالگلوس ... منظرهم المغري شعلووو فيه العاافية
مقدرش يمنع راسو منهم ..... هي دبا مراتو حلالو كلشي مباح ليه . .. حط ابهامو على شفايفها الحركة لي خلاتها توسع عينيها وتهزهم فيه .....

رجفات وخافت منو وهو مزال كيحرك فصبعو على شفايفها نبضاتو  وحرارتو غاديين وكيرتافعو .. ونور ملقات مادير ولا شنو تقول .... باغا تبعد باغا تمنعو ولكن مقدراش كتحس بجسمها فاشل ولسانها ثقيل ... حاجة وحدة لي طاحت فبالها فهاد اللحظة ... هي ذكر الله فنفسها و دعيه يبعد عليها ... هاد الخوف .. اللي سيطر
عليها .... بدات كاتدعي  وتستغفر  الله فنسفها وانفاسها متسارعييين شي لي قدر يلاحظو  بدر الدين  ومكانش خافي عليه ..... تبسم ليها باش يخفف عليها شوية من داك التوتر والخوف لي كتحس بيه ....

نور غير شافت ابتسامتو  ذابت وساااحت   ....  رغم انها كانت داخلة فدوامة ... وكومة من الافكار تجمعات فراسها
فراق ماماها وخوها و زواجها المفاجئ ... المسؤولية وحياة جديدة وغريبة عليها ....  .  وزيد عليها مكتبغيش راجلها وللي زاد .... تلفها كثر  هو علاش قبلات اصلا بهاد زواج و هي مكتبغيهش  ؟؟؟

قالت مع راسها ممكن يكون هاد زواج فيه خير ليا  !  ...
وربي لقاني بيه وبغا يجمعني بيه ممكن يكون سبب باش يغير حياتي لأحسن ملي كنت فيه  ...

غرقات فتفكيرها تا قاطعها صوتو خلاها تفيق من سهوتها وترجع لوعيها

بدر : دخلي لدوش دوشي باش تحيدي عليك ستريس

نور سرطات ريقها بصعوبة وهزات راسها باه بثقااالة

بدر الدين : مسحي المكياج من وجهك وحيدي تاصباغة لي فظفارك باش يفوت ليك الوضوء

نور حركات راسها باه مقداش تهدر بحالا ضربها اللقوة

بدر الدين : مالكي ساكتة مكتهدريش .. ( ميل راسو  فيها  كثر )  خايفة مني ؟