🌓تبت على يديه🌓
💎بقلم : ايمان العماري💎
✨الجزء : 23✨
هزات راسها بااه وهو مشا يشوف الكليان شنو بغاو
منير : دراري اش تشربو
نطق واحد منهم : بحال ديمة اخاي منير
منير : مرحبا
مشى يجيب ليهم لي كافي ديالهم ونور كالسة على احر من الجمر وكل مرة تشوف فساعة فيديها تاوقف عليها منير كيهدر معها بينما وجدو لي كافي
منير : غير صبري ومايكون غير الخير انا دويت معاه البارح وطلبتو عليك وقاليا غايشوف معك
نور : على الله غير يوافق يخدمني
منير : غايبغي تفائلي بالخير
نور : كون مكنتش محتاجة لهاد الخدمة والله مانحط رجلي فيها
منير : عارف اختي وحتى وجهك ماشي ديالها ولكن الوقت صعيبة
نور : دفعت سيڤيات ديالي على الله يعيطو عليا
منير : ان شاء الله غايعيطو عليك مهم هو سلكي فهادي لابغا الباطرون يخدمك ، وانا راه لي فجهدي درتو معاك والله شاهد عليا
نور : عارفة لي كاين ولاد الخير كتبان من وجهم
منير : صبري نعطي لدراري القهوة ديالهم
ومشى خدا لي كافي وداها الطبلة فين جالسين ...
منير هز كاس وحطو قدامو : هنا خاي بدر قهيوة قاصحة اللي كتعجبك
بدر الدين علا عينو فيه : الله يحفظك
يونس غمزو : منين ضبرتي على داك تيتيزة لي معك
منير سرط ريقو وشاف فبدر لانه كيحتارمو بزاف وبدا يغمز فيونس يسكت تافهم راسو ....
منير : داك البنت مكنعرفهاش غير جات كتقلب على الخدمة وكتسنى الشاف يدخل
يونس تبسم جنب شفاهو : اتولي خدامة هنا
بدر الدين شافيه معلي جاجو ويونس بلع ريقو ورجع نطق
يونس : الله يسخر الامور
منير : امين ، بصحتكم
يونس : هاد البنت كتبان ليا ماشي دهاد الخدمة
نطق واحد اخر : حتى خدمة القهاوي ماشي دوجها شوف شنو ظروفها
بدر الدين : كون قلبات فبلايص خرين اتلقى خدمة
يونس : مكننضنش الدرية ماشي دهادشي اصاحبي ضور موراك شوف فيها
- ضربو بمرفقو : سكتنا اصاحبي ، واش بغيتيه يقلب عليك هاد الطبلة على صباح !
يونس حدر عينيه : وراه عينيا كيهربو لعندها شغندير
بدر الدين جبد الفلوس من جيبو وحطها فوق الطبلة وناض فحالو شافو منير خارج هو يمشي عندو
منير : فين غادي عاد دخلتي دبا
بدر الدين شاف فيه : مرة خرة بقى توصيهم يصيفتو ليا قهوتي المحال
قلب دورة ومشا خلا منير موراه مافاهم والو
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
