ثبت على يديه🌱مكتملة🌱

🌱الجزء 103🌱

🌓تبت على يديه🌓
💎بقلم : ايمان العماري💎
✨الجزء : 103✨
نور حلات عينيها بججهد فيه وهزات راسها بلا بسرعة

بدر الدين علا حاجبو : ومالك ساكتة هاكا ... هدري معيا
متبقايش تهزي فراسك ... بغيت نسمع صوتك ا نور

نور سرطات ريقها ونطقات بصوت متقطع من شدة توتر لي فيها : اء. .. ا...نا مم...خيفاش 

بدر الدين حط يديه على كتافها بدا كيطلع ويهبط فيهم وهي مغمضة عينيها كتحس باحساس غريب عليها وزوين عجبها بزاف و اول مرة اتحس بيه فحياتها و اول مرة اتجرب معنا يكون قريب منها رجل لهاد الدرجة ويلمسها بيديه ...

حسات بيديه ضارو على ضهرها كيفتحو ليها المظمة رقيقة دالقفطان حيدها ليها وحطها فوق الكوافوز

بدر الدين : دخلي لدوش توضاي انا غندوش فدوش اخور

نور : وخا

بدر الدين ضار موراه هي تبان عباية لصلاة : متنسايش تلبسيها (  نعت ليها بصبعو )  باش تصلي

نور : اه راه نهيلة جبتها ليا

بدر الدين : مزيان  ...

بعد من حداها ومشااا البلاكار ديالو هز حوايجو وفوطة وداز من حداها  قبل مايوصل الباب نطق ....

بدر الدين : جيتي زوينة بزاف ونت عروسة 

خرج وخلاها فاتحة فمها ... سد الباب .. وحطات يدها جيهت قلبها كتنهج ...

نور : هدا معول يسكت ليا القلب وباقي مادرنا تا حاجة

ضارت عند المرايا وهزات ديماكيور والقطن فزكاتو ومسحات بيه وجها  كتحيد منو المكياج حيدات لفرانش من ظفارها كيف ما قاليها بدر هزات بروش جمعات بيه شعرها لفوق وزادت البلاكار حلاتو لقات حوايجها جداد مستفين كانت نهيلة للي نقلاتهم ليها لبيت بدر الدين هزات ملابس داخلية وديباردور وشورط ديالو وفوطة ودخلات لدوش حيدات قفطانها وهزات رشاش غسلات غير داتها هي ديجا مدوشة مبغاتش تفزك شعرها دوزات على لحمها الباندوش وتوضات على قبل الصلاة  هزات الفوطة نشفات بيها ولبسات حوايجها وخرجات .....

هزات العباية من فوق النموسية لبساتها وزادت قدام المرايا باش تقاد شال على شعرها بقات مضاربة معاه حلف ميتقاد ليها حتى كتشدو و كيرجع يزلق على شعرها لتخاتو فوق الكوافوز بعصبية

نور : تفو تفو على حالة وليت فيها تفووو

هبطات راسها باغا تبكي تاتحلات الباب ودخل بدر الدين بانت ليه فديك الحالة سد الباب وقرب عندها معلي حاجبو ليسر .....

بدر الدين : مالك واقفة هاكا

نور ضارت عندو  ونطقات بعصبية فاقدة الشعور : انا مبقيتش باغا ندير هاد الحجاب

وسكتات كتنهج وعينيها مدمعييين  .....

بدر الدين معرفش اشنو بيها : مالكي آش وقع .. عاد خليتك بيخير

نور هزات شال فيديها : مبغيتش نديرو .. انا هدشي ممولفاش بيه .... ومبغاااش نديرو ... وعمري مغنرضا ليك بهدشي لي كاديرو معيا ...