🌓تبت على يديه🌓
💎بقلم : ايمان العماري💎
✨الجزء : 110✨
التاسعة صباحا ....
فاقت نجاة ونهيلة وربيعة بكري تجمعو كيوجدو الفطور على قبل نور كلهم على قدم وساق وجدو كلشي متول على حقو وطريقو وحطوه على صالة مونجي ....
نجاة : انا نطلع نشوف نور واش فاقت
نهيلة : اويلي ا ماما حشومة خليها حتى تنزل وراه بدر الدين غيكون معها دابا
نجاة : خوك باقي مرجعش غيكون كيدير سبوغ هدا هو وقتو غنطلع سبق مارجع
جات طالعة وقفات ملي سمعات كلام ربيعة ....
ربيعة : متنسايش راه بغينا نشوفو صبوحي
نجاة ضارت عندها مخنزرة فيها : باقي منسيتش ليك الفعلة ديال البارح
ربيعة : دبا آش فيها لاشفناه هادي راه من تقاليد ديالنا اختي اولا نسيتي !
نجاة : زمان لي تزوجنا فيه ماشي هو هاد الزمان الوقت تبدلات انا طالعة نفيقها منعاودش نسمعك جبدتي هدشي قدام نور حيت مغنسكتش ليك
خلاتها وطلعات لفوق وقفات قدام باب بيتهم ودقات جوج دقات حلات الباب ودخلات ....تبسمات ملي لقاتها باقى ناعسة قالت مع راسها اتكون سهرات لليل .. ومنعساتش
بكري قربات عندها وتحدرات كتفيقها
نجاة : عروستي صباح الخير
نور حلات عينيها فيها : خالتي ! ... ( ناضت جالسة كتشوف مع جنابها ) صباح النور
نجاة جلسات فطرف سرير : كي صبحات لالة العروسة
نور تبسمات : انا بيخير ... بدر الدين باقي مرجعش
نجاة : لا مزال ولكن شوية وغيدخل هدا هو وقتو
نور : اه مزيان .. انا نوض نغسل وجهي ونزل
جات نايضة شداتها نجاة من يدها ....
نجاة : امضرا بنتي كي دازت الليلة دلبارح
نور سرطات ريقها : موقع والو اخالتي
نجاة : كيفاش موقع والو ياك وصيتك ابنتي
نور : مقدرتش ا خالتي
نجاة طبطبت على يديها : معليش ... غير هو سمعني نوصيك ملي تنزلي لتحت ويسولوك قولي ليهم داكشي داز مزيان صافي ... هادشي لي قلتيه ليا متعوديهش قدام شي حد
نور : علاش اخالتي نكدب عليهم
نجاة : هوما غيفهمو غلاط وغيبداو يأولو من راسهم واش فهمتيني
نور حزنو ملامحها : زعما انا ماشي بنت داكشي علاش مخليتوش يقيسني ياك اخالتي
نجاة : ماحدي انا تايقة فيك كاع ميهمك كلامهم هوما .. ولدي هو المعني بالأمر .... تاواحد ماعندو الحق يقول عليك شي كلمة ومخلاقش هدا لي ينقس منك .... وهدشي مزربانينش عليه مزال ايام الله طويلة قدامكم
نور حدرات عينيها : ولدك حنين اخالتي
نجاة ضحكات : هههه ياك قلتها ليك غير نتي لي خايفة على والو
VOUS LISEZ
ثبت على يديه🌱مكتملة🌱
Roman d'amour💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
