ثبت على يديه🌱مكتملة🌱

🌱الجزء 57🌱

🌓تبت على يديه🌓
💎بقلم : ايمان العماري💎
✨الجزء : 57✨
بدر الدين : نور خطيبتي وغتولي مراتي وهنا بلصتها حدا راجلها  وداري هي دارها ...   ولي دخل لداري نبغي منو احترم مراتي وحرمت داري  وميلقاش راحتو بزاف فداري ويبدا اتسرا فبيوتها بلا ادن مني ولا بلا دقان فلبيبان    ( المختار حدر عينيه لارض عرف واش الهضرة عليه )  باش طعني فشرف بنت محصنة هادشي غدي تحاسبي عليه يوم لقيامة نهار تخاصمك عند الله   نتي اخالتي مرة  وكان مفروض تجي مع لحق ماشي تجي مع لباطل   وراجلك غلط فاش طلع لفوق كيتسرا فلبيوت كان عليه ايعيط عليك نتي توريه لبيت لي مخصص ليكم  وفاش هو غلط كان عليك تجي مع لحق ماشي تجي ضدو وتتاهمي لبنت وتسوميها شحال ثمنها ماشي عيب عليك ... اش هاد لمستوا عندك .. وهاد الهدرة لي قلتي لبنت بحلا معندكش بنات حتا انتي ودنيا دوارة ويقدر يجيهم نهار لي اتحطو فنفس موقفها لقدر الله 

ربيعة : كتبان ليا مزال داير النية وكتيق هاد نووع  انا للي كنعرفو ( قاطعها بحدة )

بدر الدين : قلتها وغنعاودها  نور شرفي دبا ومنقبل حتا  شي واحد يقلل منها ولا يقول عليها شي هدرة خايبة

ربيعة صقلات فالبلاصة ونهيلة ونور  موسعين عينيهم مصدوومين  و نجاة صدمها ولدها بهاد الهدرة عاد هدرات معه متخيلاتش ايقبل دغية  وبهاد سرعة

بدر الدين شاف خالتو سكتات  وضار عند المختار

بدر الدين : نور اتولي مرتي ولي قلل عليها لاحترام ايلقاني فوجهو ومنبغي حتا راجل اهز فيها عينو   (شاف ف نور  لقاها كتشوفيه وملامحها مصدومين )  دخلي  رتاحي شوية ونهيلة اتبقا معك ملي تولي شوية انهدرو انا وياك   
( ضار شاف لعندهم ) كل واحد يمشي لبيتو منلقا حتى واحد كيضور حدا بيتها

شاف ف خالتو  وهي تخرج وتبعها لمختار حتى هو  وتبعوها لبنات  اما نور دخلتها نهيلة لبيت  ... ونجاة طمنات عليها وخرجات تاهي وقربات من ولدها وهي تبوس ليه على كتفو كنوع من الشكر والافتخار

نجاة : الله ارضي عليك ولدي

بدر الدين : امين الواليدة

تحرك هو ومو وهو اجر الباب قبل مايسدو خطف شوفة ف نور كانت بقى مصدومة من هدرتو كولشي نزل عليها دقة وحدة .... عمرها توقعتها ولا جات حتى لبالها انها شي نهار اتجمعها شي حاجة بدر الدين ... 

بدر الدين زاد لبيتو وتبعاتو نجاة ....

نجاة :  آش هادشي درتي

بدر الدين : دكشي للي كنتي باغاه وطلبتيه مني

نجاة : ولكن ماشي هاكا اولدي .. لبنت راك صدمتيها بهضرتك ...

بدر الدين : تانا معرفتش كيفاش حتى قلتها ملي سمعتها كتغوت  كنت يلاه سليت ستخارة وسمعت غواتها  فاش مشيت عندها لبيت لقيت راجل خالتي حل لباب وخرج من عندها  ... البنت كانت مخلووعة ... وكتبكي ... هي خصها راجل لي احميها باش حتا حد مايبقا اطمع فيها وباش نهدر انا وندافع عليها خاص تكون عندي صلاحية باش ندوي  وعاد خصها هي تستر وتخبي مفاتينها باش حتا حد ميطمع فيها وباش نفرض عليها سترة خاص ايكون عندي هاد الحق

نجاة شافت ولدها اش كيقول بتسمات برضا  فرحات براف   لهاد لخطوة لي دار ولدها

نجاة : اكيد انت غدي تخليها توب على يدك  وتستر اولدي

بدر الدين : الله اقدرني على هادشي لي غنندير ...   غير هو مزال مشكيل

نجاة:  آشمن مشكيل اولدي

بدر الدين :  قبيلا تعصبت وحسيت براسي زربت شوية ملي جبدت حس  الزواج وهي  مافخبارها والو  خفت دبا متقبلش هاد زواج ونطلع كنكدب  انا قلت دكشي لي نويتو فخاطري ماشي كدبت ولكن خصها هي تقبل بهاد زواج بلا منفرضو عليها

نجاة : غدي تقبل  انا انهدر معها اولدي

بدر الدين : لا غير خليني انا نتكلف ... هاد الموضوع انا لي غنهدر معها فيه خليها دابا ترتاح

نجاة : وخا ولدي  انا نيت انزل نشوف خالتك وراجلها  خاصني نهدر معهم  ونفهمهم بلي داري عندها حرمة ولي ضيف فيها خاصو اتكرم  وخا انت مخلتي فيهم غير لي نساو انا خاصني ندير لواجب معهم حتا انا ونزل نيت حيت خالتك اتمشي توصل شي خبار لمي مهياش  وهي مريضة