🌓تبت على يديه🌓
💎بقلم : ايمان العماري💎
✨الجزء : 68✨
نور حسات بدموع اينزلو ليها معرفاش علاش واش خشوع منها ولا اشنو هداشي كامل لي دكرو ليها بدر دين ربي سبحانه وتعالى لي قالو فكتابو يعني ربي كيف بغنا نكونو وراه ليها فكتابو وحنا كنغفلو على هادشي وكنتبعو شيطان فخطواتو وخا ربي نهنا على شيطان وقالنا منتبعوش خطواتو
بقات نور كتفرك فصبعانها بغات تهدر بغات تجاوب ولكن معندها متقول حدها قالت
نور : انا هادشي كامل عرفاه ولكن انا طريقة باش تربيت والوسط فين تربيت لقيت راسي هكا وحتا لي اينصحني بهادشي لي كتقول كان كيفرضو عليا بزز مني حتا خلاني نفر من شي حاجة سميتها الحجاب و السترة وانت فاش سيفطي ليا هادشي فكرتيني غير فخويا وفصحابو كانو خنقيني وباغيين امنعوني من حريتي و و ...
و سكتات مصدومة من الحركة لي دار بدر الدين
بدر الدين حط جلابة من يدو وهز لفولار حلو وهي كتهدر قدامو وحدرة رسها قرب حنبها وحل داك لفولار وهزو بيديه بجوج وحطو لنور فوق راسها قادو وهو ادورو على عنقها رماه ورا ضهرها وشاف فيها كيف هزات عنيها فيه موسعاهم على جهدهم ....
بدر الدين حدر عينيه ونطق : ربي سبحانه وتعالي فرض الحجاب على نساء ماشي باش ازيرهم ويمنعهم من حريتهم بالعكس هو لي غدي احررهم ويخلي كولشي اوقرهم الحجاب وقار وربي بغا نساء اتوقرو ويتسترو على قبلهم هوما ماشي على قبل شي حد انا مكنفرض عليك حتا حاجة انا غير كنحاول نوريك طريق الله انور واش بغتي ربي ارضي عليك بغتي تكوني من نساء المؤمنين ولا بغتي ربي اغضب عليك ويطردك من رحمة ديالو نتي قرري اش بغتي انا مكنطلبش منك المستحيل تستري قدام الرجال الغراب عليك وفدارك لبسي كيف بغتي واليوم خارجين باش تقضاي لي خصاتك ولبسي هادشي الله ارضي عليك وتستري قدام رجال وفبيتك وملي نتزوجو ونكونو غير حنا لبسي لي ايريحك صافي
نور حركات راسها طلعاتو ونزلاتو وهي مخدرة بحلا بدر الدين لقا عليها تعويدة خلتها ترفع وتمشي مع كلامو .... بقات متبعة معاه حتا هز جلابة حطها ليها فوق يديها شداتها عندها وهي وباقة واقفة قدامو حتا فيقها بهدرتو لي خلاتها تغرق فحوايجها وتهرب....
بدر الدين : دبا خرجي من هاد البيت ومتبقايش دخلي عليا كيف العجاجة حتا بعد غدا ان شاء الله ودخلي ليها كيف بغتي والوقت لي بغتي ديك ساعة من حقك
نور غير سمعاتو فهماتو كيهدر على فاش اتزوجو حدرات راسها حشمانة وتوجهات جيهت لباب بغات تخرج سمعاتو نطق سميتها بفمو وهي توقف
بدر الدين : نور ... ( وقفات فبلاصتها ) نتمنا الله سبحانه يخرجك من ضلمات لنور وتكون حياتك كيف سميتك نور
نور ضارت شافت فيه ونطقات بخجل : امين
بدر الدين طلع عينو فوجها : الحجاب زادكي جمالا
غير سمعاتو شنو ضارت بزربة خرجات من البيت وهو بتاسم عرف راسو حشمها بهضرتو ....
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
