ثبت على يديه🌱مكتملة🌱

🌱الجزء 56🌱

🌓تبت على يديه🌓
💎بقلم : ايمان العماري💎
✨الجزء : 56✨
كانت  جامعة رجليها لعندها ومنزلة راسها كتبكي  حسات بالحگرة وبلي هي مقطوعة من شجرة ومعندها حد فهاد دنيا من بعد موت ماماها   حسات بدل باش تبدا تسمع لهدرة وفاش تخرج تبغي تمشي متلقاش فين تمشي ولا فين تعطي لراس حتا خدمتها خسرتها ودار لي كرات جرات عليها مولاتها  كتشوف راسها دابا لابغات تخرج من دار بدر الدين خصها تلقا خدمة بعدا وتلقا دار فين تسكن   شافت رسها معندها فين تمشي خاصها تزيد تصبر على الهضرة وخا كتجرحها ولكن معندهاش حل من غير الصبر   بقات كتبكي باش قلبها اترخف شوية  بغات تفشو فلبكا    ... حتا سمعات لباب تحلات عليها  علات عيننها هوما يتوسعووو على جدهم  ....  ناضت بزربة ملي شافت المختار واقف قدمها كان دخل ورد لباب وكيشوف فيها بواحد شوفة لي فكرتها ف عمر نهار كان باغي يتعدا عليها .... نور  قلبها بدا كيضرب ...... كتشوف فيه و كاتبكي بحرقة خايفة من مواجهة هاد اللحضة  وترجع تطفي شهوة هاد الوحش لي واقف قدامها ... اللي نظراتو ليها مكانوش عاديين .. زادت تراجعات للخلف  كاتبكي بججهد ونطقات بنبرة مرتجفة

نور :  شنو بغيتي لاش داخل عندي ؟؟

المختار تبسم بخبث هو كيقرب عندها : جيت نهضر معك ازوينة

نور يديها بداو كيرجفو رجعات للور كتبكي خايفة منو مالقات تاحل من  غير انها تغوت باش تنجى براسها

نور :   واااااابععاااااد مني ..   خرررررج فحاااالك عليااااااا بعاااد مني متقرببببششش لياااا متقرببببششش

  .... بدر كان فبيتو من بعد ماسلا هدرتو مع مو.... طلع وفرش صلاية باش اصلي استخارة يلاه كملها وهو اسمع غوات نور بلا حتى ميفكر خرج كيجري عندها  هو يلقا المختار خارج من بيت نور .. جمع قبضة يدو مزير عليها وقرب عندو

بدر الدين بعصبية : اش واقع هنا

نجاة و ربيعة وبنتها ونهيلة ملي سمعو الغوات حتى هوما طلعو كيجريو ... نجاة طلات عليها  لقاتها فحالة هيستيرية وكتبان ماشي طبعية مشات كتجري عندها شدتها وجلستها فوق السرير وعنقتها

نجاة : بنتي نور  ياك لباس مالكي

نور كتشوف فالفراغ وداتها كاملة كترجف :  بعد مني متقربش ليا

بدر الدين : آآش  واقع هناااا ... آش وصلك لهنا شنو داخل دير عندها فبيتها

المختار بلع ريقو : انا مفراسيش بلي هي هنا انا ..  انا مع موالف فاش نجيو كنرتاحو فهاد لبيت انا وخالتك  وهدا بيت ضياف هو فين مولفين كنعسو .. كنت عيان وبغيت نرتاح فاش دخلت لقيتها هنا

بدر الدين : لوليدة قبل ماتجيو وجدات ليكم بيت نتا وخالتي وراتو ل خالتي ولبيت كاين لتحت لاش طلعتي هنااا

ربيعة دخلات بيناتهم باش تفك رجلها ولقتها فرصة فين تقلل من نور  ....

ربيعة :  نسيت مقالتش ليه فين هو بيتنا  وزايدون راجلي  فمقام عمك ومن حقو ادخل اي بيت فدار ختي نتوما لي سكنتو معكم وحدة غريبة وهاهي بغات ترمي لبطل على راجل قد باها بلا حشمة بلا حية   ( ومشات عند نور جرتها من بين يدين ختها شدتها من  درعها وقفتها قدمها بزعاف) هاد درما دريها فشي قنت اخور  ماشي هنا انا كنعرف نوع ديالكم كتقلبو  غير فمن تلصقو ...  نتي مخلتي عرا متعرتيه باش دوري على ولد ختي ملي متشدش  ليك   وعرفتي مغدي  تصوري منو والو  ضربتي لراجلي ولقتيها فرصة دخل عندك لبيت وبدتي فتمثيل تاعك باغية تقولي بلي تعدا عليك باش تلصقيه وتاخدي فلوس قولي لينا شحال  باغا انا نعطيه ليك وخرجي علينا  من هنا  

نور تنترات منها : واش نتي حمقة ولا مالك ... شكون قاليك انا بغيت الفلوس ولا نتلصق فراجل قد با

ربيعة :  خرجي علينا من هنا اقليلت لحيا راجلي مامعبركش كاع علاش ايقرب منك

دفعتها جيهت لباب حتى كانت اتجي على فمها  هي تحس   بيدين شدوها من كتفها وريحة المسك ختارقت جيوبها الأنفية ملمس يديه وريحتو عرفاتو شكون  .... تمسكات بيه بيديها تاشدات توازونها  وعلات عينيها مدمعييين فيه وهو غير شاف دوك دموع  حس بقلبو تزير ... بعدها عليهم ونطق هاد المرة بجدية موجه كلامو ليهم كاملين