🌓تبت على يديه🌓
💎بقلم : ايمان العماري💎
✨الجزء : 53✨
نور : ماشي سوقك
وكملات طريقها غادة تاسمعاتو نطق بحدة
بدر الدين : طلعي
نور : مبغيتش سير فحالك وخليني عليك اخويا
بدر الدين شافها غادة هو يلحق عليها نسى كاع راسو وشدها من يدها باش يوقفها وهي تنترها منو بجهد
نور : طططللق مني
بدر الدين جمع يدو وحدر عينيها : فين خارجة فهاد الحالة فييين
نور عينيها تغرغرو غيات صابرة وهي طلق داك البكية بجهد
نور : عيييت انا صافي عيييت مبقيتش قادرة نزيد نسمع الهدرة دشي واحد لي فيا كافيني متزيدونيش تانتوما بهضرتكم
بدر الدين خربقاتو ملي سمع صوت بكاها وزادت صدماتو بهدرتها تنهد ورجع نطق بهدوء
بدر الدين : شي حد قاليك شي حاجة ! .. هضري واش شي واحد قال عليك شي هضرة ممزيناااش ؟؟؟
نور : مبغيت نهدر فوالو ... عطيني تيقار و خليني نمشي فحالي
نزل المختار من طوموبيل ....
المختار : ياك لاباس مالكم كتغاوتو ؟
بدر الدين زير على يديه ملي شافو نزل وعينيه اياكلو نور خصوصا وداك لبيسة لي لابسة مبينة ليها الفورمة ديالها جا وقف قدامها بينو وبينها حاجب عليه رؤياا
بدر الدين : سي المختار سير لطوموبيل ها حنا جااييين دابا
المختار معجبوش الحال ملي وقف قدامو بينو وبين نور حرك راسو بآه وزاد لطوموبيل
بدر الدين : ونتي زيدي قدامي
مشا بدر الدين قدامها وهي عيات تشوف اصلا ماعندها فين غاتمشي وخا يخليها وحتى حوايحها مهزاتهم تبعاتو لطوموبيل ركبات للور وديمارا بدر الدين لدار لي مكنتش بعيدة بزاف على فين كانو واقفين .... نزل المختار ونزلات نور حتى هي ... فتح بدر الباب ودخلو ونجاة غير شفتها حمدات الله لي رجعات وناضت عندها عنقاتها
نجاة : ياك ابنتي انور ياك دغيا سخيتي بينا وبغيتي تمشي
نور بعدات عليها ونطقات بنبرة مغنغنة : بغيت نطلع لفوق
نجاة : سيري ترتاحي ابنتي ومديريش فبالك هادي دارك وحنا عائلتك متعمريش راسك بهضرة خاوية
نور حركات راسها بآه وطلعات وبدر الدين واقف كيشوف فخالتو عرفها اتكون قالت شي هدرة تاني ماهياش تنهد وزاد الكوزينة ووتبعاتو نجاة تاهي ....
سدات باب الكوزينة ووقفات قدام ولدها
نجاة : بغيت نهضر معك اولدي
بدر الدين : هانا الوليدة ياك لاباس
نجاة : ولدي بدر الدين بغيت نهدر معك على نور
بدرالدين : حتا انا بغيت نفهم مالها لاش خرجات فديك لحالة لبرا شكون خصر ليها خطرها واش خالتي؟
نجاة : ولدي نور بنت غريبة وسطنا وخا انا ربي شاهد عليا درتها بنتي ولكن ناس مغديش افهمو هادشي وغادي اشوفها غريبة عليك وعايشة فدارك واكيد مغديش اقيلوها من هدرتهم ايطلعو عليها اشاعات وعليك حتا انت كيف كتشوف اولدي خالتك لي من لحمنا ودمنا وهدرات فهادشي اش خلات لبراني ميقول
بدر الدين : فهمتك ولكن حنا عطينا الامان لبنت كيفاش نقولو ليها بلي مبقاتش ليها خدمة عندنا ونخرجوها لزنقة من بعد موعدنها تبقا هنا وتخدم عندنا
نجاة : شكون قاليك بلي انخرجوها من درنا
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
