ثبت على يديه🌱مكتملة🌱

🌱الجزء 101🌱

🌓تبت على يديه🌓
💎بقلم : ايمان العماري💎
✨الجزء : 101✨
قربات لجهة مخخصة بالمصاحيف ديال بدر الدين بقات مدة كتشوف فيه بغات تمد يدها تهزو وهي تفكر راسها مموضياش كتفت تشوف فيه من بعيد فقط ...
المصحف لي سنين مهزاتو بين يديها ولا حتى قرات منو شي حرف ديما فاطمة كانت كتغوت عليها باش تبقا تهزو وتقراه خصوصا فرمضان كانت كتبغي بنتها تقرا معها ويختمو بجوج القرآن ولكن نور مكنتش كدير بكلامها نفس روتين عندها الخدمة الدار .. الدار الخدمة  ... حياتها كانت كتحس بيها روتينية بزاف ومملة ... وكلها مشاكيل وصداع ونقاشات مع خوها .. وزكرياء وصحابو ... 
قربات من داك لبلاصة كثر وجلسات على ركابيها كتشوف فتسابيح والمصحف وجنبهم سجادة مطوية ... هادشي كامل عمرها خداتو بعين الاعتبار ولا  عطات راسها فرصة تشد القرآن وتقراه اولا تاخد تسبيح وتسبح اولا طلق ديك السجادة وتصلي لله سبحانه .....

حياتها كانت فقط مضيعة للوقت ...  تابعة ملذات الحياة وناسية شنو كيتسننا ... منبعد مانموتو والعداب الآليم لي كيتنساا اي واحد فينا عصى الله   ....

حسات بنوع من الندم .. كتحس براسها كأنها كانت ناعسة وعاد فاقت من حلم رهيب ومروع .....

ويلاه  فاقت منو باش تلقا راسها عايشة فمكان آخر ماشي بحال الدار للي كانت عايشة فيها ... عايشة مع ناس كلهم دين وعبادة واستغفار ... هادشي كامل كانت غافلة عليه وضميرها  فاق حساات كأنه غيأنبها وو هي توقف بزربة وبعدات من ديك جهة   ومشات وقفات قدام المرايا ......

كتشوف راسها بداك القفطان .. وشعرها مطلوق ... وميكاب خفيف ... مزينة بيه وجها .... زيرات على عينيها ملي تذكرات كلام بدر الدين 

بدر الدين : {{ .قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ (30) وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ (31).... (خاطب بدر نور) شفتي باش امر لله المؤمينات  وكينين بزاف دالايات هدر فيهم  الله على الحجاب

حلات عينيها وهي كتسائل مع راسها ...

ها انا  طلقت شعري آشنو ستافدت منو ؟  ....
ياك انا اصلا زوينة علاش كندير هاد المكياج ؟؟؟ ....
كون مكنتش زوينة مكانش غايجي كاع معيا اذن علاش انا  كنديرو ؟  ....

دقائق وهي كتفكر وكتشوف فراسها فالمرايا وكلام بدر الدين كيطرطق ليها فراسها هو فعلا عندو الحق حياتها كاملة وهي عايشة فالعداب وكولها مخربقة مع انه كلشي متوفر ليها ولكن لهنا وراحت البال معندهاش اذن فين كاين الخلل  ؟؟؟

يله كتفكر جواب على سؤالها هي تسمع الباب تحلات ضارت موراها هو يبان ليها داخل وريحتو سبقاه وسعات عينيها وقلبها كيضرب بجهد ....