🌓تبت على يديه🌓
💎بقلم : ايمان العماري💎
✨الجزء : 64✨
خرج من الكوزينة وطلع لبيتو هز شي وراق ديالو تفكر بطاقة تاع نور مشا لعند ختو دق عليها ودخل لقاها غارقة مع كتوباتها ...
بدر الدين : الله يوفقك
نهيلة علات عينيها فيه مبتاسمة : امين اخويا
بدر الدين قرب عندها وجلس جنبها كيمسح على شعرها : هاد العام عندك الباك عارفة ياك
نهيلة ضحكات : هههه وراني كنقراه اخويا كيفاش مغنعرفوش
بدر الدين : ماشي هادشي لي قصدت .. نهيلة هاد لباك نبغيك تاخديه بنقطة ممتازة
نهيلة : ان شاء الله راني دايرا جهدي كولو والله
بدر الدين : عارف ... وهاد المجهود ديالك مغيضيعش هكاك ..... ان شاء الله .... غندخل ختي لأحسن كلية تكمل فيها قرايتها
نهيلة ناضت عنقاتو : لهلا يخطيك علينا اخويا
بدر الدين : نوضي جيبي ليا منعند نور لاكارط ناسيونال ديالها
نهيلة : وخا
لبسات فرجليها ومشات لبيت نور دقات عليها ودخلات ...
نهيلة : نور يكما مشغولة
نور : لا .. دخلي .....
دخلات وسدات الباب موراها .....
نهيلة : خويا بغا البطاقة ديالك
نور : صبري نعطيها ليك
ناضت هزات صاكها كتقلب عليها
نور : علاش مجاش يطلبها مني هو
نهيلة : راكي عارفة خويا الى ماعقد عليك راه ميعتبش باب بيتك
نور عطاتها ليها : هاكي عطيها ليه ... وخا بان ليا هاد خوك انلقى معاه مشكيل ملي نتزوجو
نهيلة : علاش مالو ؟
نور تسطحات فوق النموسية : عينيه مكيهزهومش فيا وملي نتزوجو موحال واش يقرب ليا
نهيلة : هههه وراه غير حيت مزال ماوليتي مراتو غير صبري حتى تزوجو وتفرجي
نور سرطات ريقها : سيري فحالك خليني نعس
نهيلة مشات لباب : نعسي مع راسك نعسي ماحدك ديال راسك من دبا لفوق موحال واش تبقاي تشوفيه
نور هزات مخدة ضرباتها بيها .... ونهيلة خرجات كضحك تلاقات بخوها عند الباب عطاتو لاكارط ورجعات لبيتها وهو نزل لتحت كيوصي على نور يردو ليها لبال ومشا لخدمتو
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
