ثبت على يديه🌱مكتملة🌱

🌱الجزء 31🌱

🌓تبت على يديه🌓
💎بقلم : ايمان العماري💎
✨الجزء : 31✨
نور شافت فيه بشك : وي سي عمر اش كاين

عمر : مكين والو غير جيت نتفاهمو على تصرفيقة لي عطتني عند بالك غندوزها ليك  بساهل   (قرب عندها وهي رجعات لور وعمر دفع لباب  برجلو حتا تسد وكيطلع ويهبط فيها بشهوة )

نور : بعععد من قدامي و خلني نخرج

عمر: اتخرجي ولكن تاتخلصي   ديك تصرفيقة لي عطتني باش مرة خرا تعلمي تهزي يديك على سيادك 

نور سرطات ريقها وقلبها كيضرب  : اتقرب مني  والله تانغوت نجمع عليك ناس  وندير ليك الشوهة هنايا

عمر تبسم بمكر : الى لقيتي  لي يسمعك غير غوتي (شاف فيها كتشوف فيه بشك) انا قبل منجي عندك صدرت كاع الخدامة وقلت ليهم بلي انا لي انطفي ضواو فالقهوة ليوم وانا لي انجمع لكراسا وهوما بالفرحة عليهم خرجو كيجريو يعني انا وياك لي كينين هنا بوحدنا ليوم ادفعي تمن ديك لهزة دليد لي هزتي عليا

قرب عندها بخفة وحدة شدها من خصرها ونزل وجهو فعنقها وهي كترطا ودفع فيه وتغوت ربي لي خلقها ولكن تاواحد مكيسمعها القهوة خاوية والحيوط عازلين الاصوات ... عمر كان مخطط لهداشي وكان هدر مع دراري قبل وقالهم يخرجو ليوم بكري هو لي ايتكلف بالباقي  وخلا نور حتا طلعات وطلع نفارد بيها باغي افترس لحمها

نور كتنتر منو وضرب فيه :  بععد مني الحيوااان ... طلللق راك مزال مكتعرفنيش ... ( كتغغغوت ) طللللق منيي

عمر : غوتي غوتي بغيت نسمع غواتك هدا ليلة

جر ليها القميجة  حتى تقطعات من جيهت صدرها وهي تنتر منو ورجعات لور   بانت ليها واحد لقرعة تاع زاج محطوطة تما هزاتها دغيا وخباتها مورا ضهرها  وعمر جاي عندها كيضحك عاجبو لحال فاش كيشوفها كتغوت وكترجف بالخوف منو  مع وصل وهي تنزل  عليه بيها لراس

شافتو دايخ وهي تستغل الفرصة وجرات حلات لباب وهزات صكها وهربات كتجري لقات ريدو تاع لقهوة منزلو وهي دابز معه بهسترية حتا طلعات فيه شوية وتخشات تحتو خرجات منو شي لي خلا يديها ورجليها اتحردو مع لارض  شافت شاريع خاوي  وهي  كتجري معرفات فين تمشي خافتو لايتبعها  شدات طريق عكس فين اتمشي   بالخلعة معرفات مدير....  لأول مرة تخاف بحال هكا خافت  على راسها وشرافها  وشافت عمر بحال ذيب عرا على نيابو وناوي افتارس شرفها ويهتك عرضها  غادية ومعنقة رسها وكتبكي 

فنفس لبلاصة كان بدر الدين عاد سد محال تاعو ممشاش لدار بكري حيت عندو شي حسبات كيجمعهم وكيقيد اشنو خاصو فسلعة سلا مع ديك 12 نيشان وهو اخرج سد لمحال وركب  فطوموبيل  ديالو غادي لدارو كان غادي مركز مع طريق حتا كتبان ليه بنت غادية قدامو مشيتها مغريباش عليه كسيرة حتا دازها وبقا كيشوف فيها من لمريا معرفش علاش حس ب احساس فشكل فاش شافها غادية بوحدها فهدا ليل رجع  ماشريار   حتا وقف حدها زنزل زاج

بدر الدين نطق وهو غاض بصرو  : طلعي

نور  مسحات دمعة بزعاف : نطلع فين فين ناوي تديني حتا انت واش كيدور فبالك صراحة كلكم فحال فحال دياب بشرية غير كتشوفو شي وحدة غادية بوحدها كتبغيو تفترسوها والى شفتوها لابسة شي حاجة كتبدا تستغفرو بحلا شيطان دايز من جبكم