🌓تبت على يديه🌓
💎بقلم : ايمان العماري💎
✨الجزء : 92✨
داز الوقت ......
كانت ضربات الخمسة د العشية مورا العصر مباشرة ... كانت جالسة نور ومادة يديها الحنة و غير ساهية قدامها ممتيقاش راسها اليوم غينعاقد عقد قرانها !!!
حاسة بشعور فشكل ومشاعرها ملخبطة كلشي تخلط عليها فهاد اللحظة الفرحة مكنتش ظاهرة على ملامحها نهائيا
عائلة بدر الدين كانت كلها مجموعة خالتو ربيعة وبناتها وعماتو وجداتو ديال باه ومحجوبة .... كولشي كان فرحان بنور و بدر الدين وكل مرة تنوض وحدة تبارك لنور ... و طلقها بتزغريتة ونجاة مقداتها فرحة هي ونهيلة ومحجوبة .... من غير ربيعة للي مغوبشة وكل مرة ضور عند نور تشوف فيها بشوفات نااارييين ... السم والحقد باين من عينيها
نور كانت جالسة فجليسة خاصة بالحنة لابسة قفطان موبر فالخضر ومشيطة سامبل ودايرين ليها تاج فوق راسها مكياج خفيف حطوه ليها على وجها جا مواتيها وجاي مع ملامحها البرئيين ... مغطيين ليها وجها بالشبكة ....
ساهية قدامها والنقاشة كتنقش ليها فايديها ... وتنفنن ليها فالحنة ... علات راسها فنجاة كتبان ليها فرحانة هي ونهيلة تفكرات ماماها كون كانت ... حاضرة معها كانت غتكون فرحانة بيها ... تغرغرو عينيها فلحضتهم وبدات كاتبكي وكتيفاتها كيتهزو اثر شهقاتها ... النقاشة ردات ليها البال وهي ضور عند نجاة وغمزاتها باش تقرب عندها
نجاة : خصاك شي حاجة ؟
- همسات ليها فودنيها : لعروسة كتبكي
نجاة وسعات عينيها : مالها
- معرفتش
نجاة قربات عند نور وجلسات جنبها كطل عليها من تحت الشبكة
نجاة : بنتي نور نتي بيخير !
نور زيرات على عينيها ودمووووع كيسيلووو من عينيها مخلط مع الكحل لي دارو ليها ... نجاة غير سمعاتها شهقات جراتها عندها معنقاها
نجاة : لا بنتي لا هدا نهارك مخصكش تبكي فيه
نور بصوت متقطع بسباب شهقات : ب..غي ..ت م...ماما
نجاة : هانا بنتي معك انا ماماك انا فيا كلشي غير متبكيش عفاك
نور كتبكي وسط حضن نجاة وانظار الكل عليها كيشوفو فيها محسرين من غير ربيعة لي نظراتها كلهم كانو حقد وكره
نجاة عينيها دمعو : متبكيش ابنتي ... مبغيتكش تبكي هدا نهارك وخاصك تكوني فرحانة وماماك ابنتي دعي معها برحمة متحرقيهاش بدموعك
نور كتبكي بحححرقة : انا كنتتتققطع اخالتي ... كنتتتطططع ...
نجاة زيرات عليها بين يديها معنقاها كتبكي معاها ونور كتبكي وسط صدرها بجججهد وكتافها كيتهزو ملي كتشهق
نور : قلبي كيتشششوااا اخالتي .... كيتشواااا
#الأم تاواحد مايقدر يعوض بلاصتها .. الأم هي نبع الحنان ، و العطف ، و الأمان ... .
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
