🌓تبت على يديه🌓
💎بقلم : ايمان العماري💎
✨الجزء : 105✨
تقدم بدر الدين المكان المخصص لصلاة لي دايرو فبيتو قاد لنور صلايتها من موراه باش تصلي عليها بقا كيشوف فيها حتى وقفات حادرة راسها عاد ضور وجهو قدامو وقام الصلاة .....
قرا ماتيسر من الذكر الحكيم كيجودو بصوتو للي كيريح القلب ونور من موراه مخشعة معاه كتسمع لصوتو قلبها حسات بيه رتااااح مبقاتش مضيومة ....
صلاو جوج ركعات هو يسلم بدر وسلمات موراه تاهي وبدا تيدعي دعاء الزواج
بدر الدين : اللهم اني اسألك خيرها وخير ما جبلتها عليه وأعود بك من شرها وشر ما جبلتها عليه .... اللهم بارك لي فيها وجعلها زوجة صالحة ...
كمل الدعاء هو يبدا الازكاء للي كتجي من بعد التسليم
بدر الدين : لا اله الا الله وحده لاشريك له له الملك وله الحمد وهو على كل شيء قدير اللهم لا مانع لما اعطيت ولا معطي لما منعت ولا ينفع ذا الجد منك الجد ...
كمل هو يضور لعند نور قرب قبلها من جبينها تازيرات على عينيها هو يبعد عليها وحاوط وجها بين يديه .. نور بلعات ريقها وحلات عينيها بشوية فيه
بدر الدين : تقبل الله
نور : منا ومنكم سائر الاعمال
بدر الدين : ابتداءا من دابا منعاودش نشوفك قاطعة صلاتك داومي عليها ديما
نور هزات راسها بااه
,
بدر الدين : الصلاة زوينة وغتحميك من بزاف دالحوايج خليك مداومة عليها وعمرك تقطعيها
نور غير كتحرك راسها باه ... مقداش تنطق .. خصوصا وهو قريب منها ... بدر الدين رجع قبلها مرة أخرى من جبينها وناض جمع صلايتو طواها .... وردها بلاصتها ونفس شي لي دارت نور .... طواتها وحطاتها .. حدا صلايتو ومشات كلسات فوق الفتوي ...
بدر الدين زاد لدريسينغ ديالو بدل حوايجو لبس سروال كيطمة وتيشورت بيض مزير على كتافو و صدرو العريض مفتول ....
خرج كيعوج فنعقو تاوقف مقوص حواجبو ملي بانت ليه باقا جالسة بعبايتها وشالها تبسم وقرب عندها خاشي يديه فجياب لكيطمة ....
بدر الدين : عجباتك الگلسة هنا
نور علات راسها فيه بزربة : هااا !!!! ....
بدر الدين : نوضي حيدي عليك العباية ( شاف فشعرها ) عجبك تخليه مغطي مبقيتيش باغا تعريه ؟
نور : شكون هو !
بدر الدين جلس جنبها وحط يدو على راسها : شعرك
نور سرطات ريقها وبعدات بشوية من حداه : لا غنحيدو دبا
بدر الدين حط يدو على يديها وهي تخطفها نور بزربة وناضت وقفات
نور : انمشي نبدل حوايجي
متسناتوش حتى يجاوبها ... مشات دغيا لدريسينغ بدر الدين تبسم قال ممكن تكون حشمانة مني ... ناض النموسية وتجبد كيتسنا فيها تخرج ....
YOU ARE READING
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
