🌓تبت على يديه🌓
💎بقلم : ايمان العماري💎
✨الجزء : 104✨
بدر الدين سكت مدة كيشوف فيها كيفاش كتنهج وعينيها مغرغرين بدموووع ... عرف راسو ماشي ساهل يقنعها وباينة هادشي لي كدير فوق خاطرها .. وهو هادشي للي مبغاش ... نور قلبات وجها عليه ... وداك دموووع كاملين للي حبساتهم بداو كينزلووو ....
بدر الدين : نور .. ( كتبكي فصمت مبغاش تشوف فيه ) شوفي لعندي
نور ضارت عندو بشوية مهبطة راسها مقداش تشوف فعينيه ....
بدر الدين تنهد هو كيشوفيها كتبكي : نور انا مبغيتش هادشي يبكيك ... مبغيتش نكون سباب فهاد دمووع انا دويت معك على مصلاحتك ومفرضت عليه والو .. وهاد شال لي فيديك غتلبسيه غير فصلاة وغتحيديه بغيت نفهم آشنو المشكيل لي عندك ... وشنو بكاك واش الحجاب ولا شي حاجة خرة !! ..
نور بصوت باكي : معرفتش .. انا براسي معرفتش .. جيت نقادو مبغاش يتقاد ليا ... انا مبغاش ندير الحجاب ... بغيت نعيش حياتي كيف ما انا بغيت .. ماشي كيف بغتي نتا
بدر الدين : راه ماشي انا لي بغيت .. الله هو لي بغا .. ستغفري الله ا نور .. وهاد المرة قبل ماتهدري عرفي شنو كتخرجي على فمك ....
نور سكتات كتشوف فيه ومدات يديها كتمسح دموعها : فاش كنتعصب مكنعرفش راسي شنو كنقول
بدر : وشنو خلاك تعصبي بحال هاكا
نور شافت فيه ونطقات بخجل : مبغاش يتقاد ليا الشال على راسي ...انا كنصاوبو وكيرجع يتحل ليا
بدر الدين ميل راسو فيها : هادشي هو لي عصبك !
نور حركات راسها باه : مممم
بدر الدين بقا كيشوف فملامحها وعويناتها لباااكييين وصوتها وغنجها كانت بمثابة وقووود كتزيد غير تشعل فيه العافية كثر ماهي شاعلة سرط ريقو وبدا يستغفر وتقدم عندها خدا الشال من بين يديها و دارو على شعرها صاوبو ليها مغطي ليها بيه شعرها كامل و رجع بخطوه لور مبعد عليها
بدر الدين : هاهو تقاد ضوري شوفي فالمرايا
نور ضارت كتشوف فالمرايا وتبسمات بلاما تشعر قادو ليها بطريقة زوينة جات مع وجها
بدر الدين : حوايح بساط مخصكش تعصبي عليهم .. هاد المرة لامعرفتيش تلبسيه ...قوليها ليا انا نصاوبو ليك ولا دخلي ليوتيب راه فيه فيديوات ... تعلمي منهم كيفاش تقاديه راسك
نور ضارت عندو مبتسمة : شكرا بزاف
بدر الدين كيشوف فيها مستغرب عاد كانت باكية ودبا ضاحكة هاد البنت مبغاتش تفهم ليه ...
بدر الدين : العفو
نور : نصليو !
بدر الدين : اه .. اجي معايا
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
