🌓تبت على يديه🌓
💎بقلم : ايمان العماري💎
✨الجزء : 48✨
بدر الدين : عسى ان تكرهوا شيئا وهو خير لكم .... وعسى ان تحبوا شيئا وهو شر لكم .. حنا عايشين فدنيا كلها اختبارات ومتحانات ... داكشي لي كنزرعوه فيها غانحصدوه فالآخرة ربي كيمتاحنك باغي يعرف مدى صبرك ....
نجاة عنقاتها عندها : عندو الحق ابنتي ماتعرفي الخير فين مكتبو ليك الله ... شوفي شنو مخبي ليك فهاد دنيا هانتي عاد دبا قلتي ليا ماماك تحرقات فدار .. كون كان سيدي ربي مكتب ليك تموتي واجلك وفا كنتي حتى نتي غاتموتي مع ماماك .. هاد الحريق كان سبب باش ربي يخلص دوك لي كانو سبابك فهاد المحاين .... كاملة وماماك مسكينة الله يرحمها داها لعندو لبلاصة غاترتاح فيها كثر من دنيا ....عوض ماتبكي عليها ترحمي عليها
نور بصوت مخنوق بالبكية : عمرني عشت مرتاحة فحياتي كل نهار كيدوز عندي قبح من لي قبلو .... ياكنسمع هدرة من عند صحاب خويا .... ياكاناكل الدق من عندو هادي هي حياتي تكرفيس برا والداخل ... ( كتبكي بحححرقة ) كولشي كان موفر ليا ولكن الراحة مكنتش مرتاحة حياتي كاملة مخربقة ومرونة كينين ناس بساط عايشين مزياااان ومنقصهم والو ومرتاحين وانا لي عندي خدمتي ماما دار ساكنة فيها ... ولكن ممرتاحاش فحياتي
نجاة : باركة عليك ابنتي لبكا ماعندو فاش يفيدك كضري غير راسك .... نوضي ستغفري الله وسمعي شوية دالقرآن اترتاحي بزاف
نور حركات راسها بآه
نجاة : طلعي لبيتك ترتاحي تايوجد لعشا ونعيط ليك تنزلي
ناضت نور طلعات لفوق لبيتها وبدر الدين نفس شي تاهو طلع لبيتو تكا فبلاصتو داير دراعو فوق راسو كيشوف فسقف حتى جات لبالو نور ... تنهد وناض يقرا ما تيسر من القرآن ......
عند نور ...
خرجات من دوش كتنشف شعرها ناضت بدلات عليها بيجامتها بسيرڤيت كحلة كولون وميني جاكيت خلات شعرها مطلوق دارت كلاكيط فرجليها وخرجات هي تلاقا بنهيلة طالعة فدروج ....
نهيلة بابتسامة : بصحة
نور : الله يعطيك الصحة
نهيلة : يكما خصاك شي حاجة
نور : لا لقيتيني طالعة لسطح شوية نشم لهوى
نهيلة : خودي راحتك حسبي الدار داركم
نور : شكرا
خلاتها وزادت طلعات لفوق حلات الباب ودخلات كان الجو دافي وزوييين ريح خفيف كيدي ويجيب فشعرها وقفات عند السور كتشوف فشوارع المحمدية من لفوق واضواءها فالليل منظر رائع .....
بقات واقفة شحال مستمتعة بداك الجو حتى سمعات تيليفون كيصوني خشات يدها فجيب تبسمات ملي شافت نمرتو هي تجاوبو
نور : فؤاد توحشتك بزاف فين غبرتي عليا
BINABASA MO ANG
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
