ثبت على يديه🌱مكتملة🌱

🌱الجزء 58🌱

🌓تبت على يديه🌓
💎بقلم : ايمان العماري💎
✨الجزء : 58✨
بدر الدين : وخا الوليدة

باس على راسها وخرجات وبدر الدين  دخل اتوضا باش اطفي لغضب بلوضوء ... و نجاة قبل متنزل مشات لبيت نور يلاه وصلات قدام لباب وهي تسمعها كتهدر هي ونهيلة

نهيلة : اجي بعدا نتي امتا خويا خطبك وامتا طلب منك زواج   ( كتشوف  ف نور بقى مصدومة وكتشوف فالفراغ وهي تحط يديها على كتفها ) مالك ساكتة هكا امتا تخطبتو  فهميني راني مافهمت والو

نور عاد ستوعبات  هضرتها : حتى نفهم انا باش تفهمني نتي  بحالي بحالك مفراسي والو عاد سمعتها من خوك  صراحة صدمني فيه قاليك متدين و كيعرف بينو وبين الله وزايدها بالكدوب

نجاة : هو مكدبش عليك

ضارو بجوج بيهم هوما يلقاوها واقفة متكية على الباب

نجاة : ولدي باغي يتزوج بيك وانا وياه هدرنا فهادشي لتحت وهو طلع لفوق باش ادير ستخارة يلاه سلاها سمعنا غواتك  وهو جا عندك وشاف اش وقع وهو هدر وقال دكشي لي كان ناوي اقولو ليك قبل عاد اخبر بيه ناس   فاش تحط فداك لموقف كان خاصو ادافع عليك وهدر  قال لخالتو وراجلها بلي نتي اتولي مراتو   ومخص حد اقلل منك ولا اشوف فيك شوفة خايبة   ( شافت ف نور لي كتشوف فيها وهي  تكمل ) هو كان قاليا اصلي ستخارة ويرد عليا وتما انا نفاتحك بالموضوع وعاد نديرو الخطبة   لاقبلتي نتي من طبيعة الحال ولكن فاش وقع لي وقع هو هدر ودبا هو خايف اطلع كداب قدام خالتو وراجلها   ولا طلع عليه شي هدرة خايبة   نتمنا ابنتي تقبلي بهاد زواج  ومتحشميش ولدي ويطلع كداب قدام الناس

نور : بغيتي نقبل بهاد زواج باش ولدك ميطلعش كداب قدام خالتو وراجلها !

نجاة : لا بنتي حشومة تگولي هاد الهدرة انا ولدي هضرنا فهاد الموضوع قبل ما يوقع هادشي

نور : خالتي ، الى كان ولدك باغي يتزوج بيا على قبل هدرت ناس خليني نمشي فحالي حسن حيت مغنقبلش بهاد زواج باش الناس متهدرش فيا

نجاة : نور فكري فالموضوع مزيان متسرعيش وتاخدي شي قرار تندمي عليه .. ولدي كون مكنش عينو فيك راه مغيقبلش يتزوج بيك ولدي وكنعرفو ( نور وسعات عينيها ) ... فكري فكلامي مزيان

نهيلة :  كون غير وافقتي على هاد زواج  عفاك قبلي تكوني مرت خويا شوفي والله حتا خويا ضريف مسكين  ويستاهل مرة زوينة بحالك عرفتي ايعيشك فسعادة  هو حنين بزاف ومتاقي الله  عافاااك قبلي

نور بدات كدور فعنيها معرفات متقول مزال الموقف لي وقع بين عنيها وهدرت بدر الدين كتسمع فودنيها   معرفات متقول

نجاة : فكري  خودي وقتك الكافي وفكري مع راسك ولي ريحاتك دريها ابنتي حنا ماغدي نفرضو عليك والو كيف قال بدر الدين  الاختيار  كيبقى ليك  نتي

خلاتها وخرجات وتبعاتها نهيلة سدو الباب ونزلو ونور غطسات راسها بين يديها كتنهد معرفات اشمن طريق تشد وهاد زواج لي جا على غفلة معرفاش واش تقبل بيه ولا ترفض ماشي بهاد طريقة كانت باغا تزوج ... كانت كتمنا تلاقا بواحد تبغيه ويبغيها ... ويتزوجو زواج عن حب ماشي  تزوج على قبل هدرة الناس علات راسها للفوق كتشوف فالسقف  مضاربة مع افكارها .... تاوصل الليل