ثبت على يديه🌱مكتملة🌱

🌱الجزء 90🌱

🌓تبت على يديه🌓
💎بقلم : ايمان العماري💎
✨الجزء : 90✨
نجاة : الله يرضي عليك ابنتي .. ونوضي هزي حوايجك وطلعي الفوق نتي ونهيلة وتحمي ليا مع راسك

نور   : و نتي مغطلعيش معنا ؟

نحاة : لا بنتي خاصني نوض نوقف على شغلي النهار دغيا ولا كيطير دبا شووية وهااهو وصل الليل

نور : كون جات عليا كاع متكلفو راسكم وديرو شي هادشي كامل

نجاة  جبداتها عندها عنقاتها  : بغيت نفرح بيك وبولدي انا مكرهتش كون درت ليكم عرس كبير ولكن ميمتك الله يرحمها عاد ماتت مجاتش ولكن نعوضها لبنيتي فسبوع  ان شاء الله

نور علات راسها فيها : اشمن سبوع اخالتي علاش انا تزوجت بعدا باش تفكري لسبوع

نجاة : شوفي من دبا نوصيك عنداك تشربي ليا الكينة ولا شي عجب كحل انا بغيتك تولدي بغيت نشوف حفايدي ونعاونك فتربيتهم ونكبرهم على يدي راه العمر دغيا كيمشي وانا معرفاش شحال بقى لي نعيش فدنيا

نور : الله يحفظك اخالتي مزال العمر طويل ان شاء الله و لولاد لاعطاهم ليا الله علاش لا غير هو ماشي من دابا اخالتي مزال الحال عليهم شوية بغيت حتى نلقا شي خدمة مستقرة وزيد حتى بدر يقدر ميبغيش لولاد من دابا

نجاة : ولدي بدر الدين معندو مايقوليك بالعكس تاهو راه مكرهش يشوف ولادو ويكبرو معاه اجي بعدا واش هدرتي معاه على ود الخدمة

نور : لا مزال علاش !!  .. زعما ميبغيش ؟

نجاة : يبغي ابنتي علاش اللي ميبغيش ولدي ماشي من داك نوع للي غيحبس مراتو على الخدمة ... غير هو راه مغيخصك خير معنا ... ولي بغيتيها تجي حتى لعندك كون جات عليا متخدميش بقاي فدارك واللي بغتيها ولدي يعطيها ليك

نور بابتسامة بشوشة :  انا ولفت الخدمة اخالتي الگلسة فدار مكتعجبنيش مولفة بالخدمة والحركة

نجاة : ماقلتي عيب ابنتي تا هدا نظر

نور :  انطلع دبا ندوش انشوف نهيلة تاهي لابغات

نجاة : غتبغي غير سيري عندها 

هزات نور معها حوايجها ولي بغودوي ديالها لي ماسك دالوجه و الجسم ولي گوماج مهم اي حاجة اتحتاجها اي وحدة باش تاخد  حمامها .... وناضو خرجو هوما يتلاقاو بدر الدين خارج من بيتو نور حدرات عينيها لارض  مبغاش عينيها تجي فعينيه اما هو شاف نيشان عند مو وبتاسم ليها

بدر الدين : خارجين ولا

نجاة : لا ولدي ما خارجين فين غير نور بغات طلع هي ونيهلة الحمام  لفوق

بدر الدين حرك راسو بآه : مزيان ، انا خارج  يكما خصاكم شي حاجة ؟

نجاة : مخصنا والو ... الى مزربانش بغيت نهدر معك

بدر الدين : هانا الوالدة ياك شي باس ما كاين