🌓تبت على يديه🌓
💎بقلم : ايمان العماري💎
✨الجزء : 114✨
نور نزلو دموعها : وافقت عليك حيت ضنيتك غاتكون باغيني وكتيق فيا ....بدر الدين بدون شعور : و شكون قاليك مكنبغيكش
نور سكتات من لبكا كتشوف فيه موسعة عينيها الحووومر و الدمعاانين فيه ... ممصدقاش ودنيها شنو كيسمعو .. بدر الدين شافها سكتات .. و منطقات بحتى كلمة تنهد وزاد من حداه خرج لبيت وهي بقات واقفة ... مدة كتستوعب كلام بدر الدين ... تاداركات الموقف .. وخرجات لعندو بززربة ...
نور : مزال مكملناش هدرتنا
بدر الدين ضار عندها : هدري كنسمعك
نور : الى شفتيه كيصوني ليا غير حيت انا وصيتو يشوف ليا خدمة هنا فالمحمدية فشي سبيطار ولا كلينيك
بدر الدين بدون تفكير : نتي ممحتجااش تخدمي وهاد المرة لا عاود عيط ليك قولي ليه مبقيتيش باغا تخدمي
نور وسعات عينيها على حدهم : شنووو ؟؟؟؟ ...بدر الدين : ماعندك علاش تخدمي الحاجة لي خصاتك انا ناخدها ليك بغتي فلوس نعطيك كارط بونكير ديالك تصرفي فيها كيف بغتي
نور بغات تبكي : واش كتهدر منيتك
بدر الدين : كلمة وحدة قلتها الخدمة غير نسايها وخرجيها من بالك
نور : ولكن ماشي هادشي علاش تافقنا
بدر كيشوفيها معلي حاجبو
نور : البارح هدرات معاك حالتي نجاة وقلتي ليها مغنحبسهاش على الخدمة ودبا رجعتي فكلامك
بدر الدين : نور .. نتي راك ممحتجاش دابا الخدمة ... انا لي خاصني نخدم عليك ونوفر ليك ... اي حاجة بغتيها
نور : انا مبغاااش فلوسك وممحتجااش ليهم ... انا بغيت نخدم مبغاتش نبقا جالسة فدار ..... وخدمتي كنديرها حيت كنبغيها .. ماشي على ود صاليغ ديالها ... و الى كان على ود جداتك انا لي غنبقا نقابلها وخا نخدم غنبقا رادة ليها البال
بدر الدين : عارفة الله سبحانه وتعالى شنو قال
نور سرطات ريقها : شنو قال
بدر الدين : {{ وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ }}
الآية تقول " و الْزَمن بيوتكن ولا تخرجن منها الا لحاجة ولا تظهرن محاسنكن كما كان يفعل نساء الجاهلية الأولى في الأزمنة السابقة على الاسلام وهو خطاب للنساء المؤمنات في كل عصر ، لم يرد الله ان يجعل عليكم بذلك حرجا ولا مشقة بل لتتزكى نفوسكم ولتتطهر اخلاقكم ، وتحسن اعمالكم ، ويعظم بذلك اجركم .
هنا يخاطب النساء المؤمنات وهاد الآية صالحة لكل عصر و لكل زمان ومكان ... يعني نتي دابا ماعندك علاش تخرجي من الدار وربي قال غتخرجي الا للحاجة ونتي فهاد الحالة معندك علاش تخرجي وتخدمينور برودة : ربي محرمش الخدمة على لمرا جيني من لخر وقول مبغتنيش نخدم
بدر الدين : ربي اللي امر نساء باش يقعدو فبيوتهم وميخرجوش منها إلا لضرورة .. ونتي بغتي تخدمي ومعندكش حاجة لديك الخدمة حيت راجلك خدام وقايم بيك ... ومغيخصك من والو ...
![](https://img.wattpad.com/cover/339504091-288-k475529.jpg)
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...