Love Of Yesterday (COMPLETED)

30

ZAMARA'S POV

Kanina pa ako titig na titig sa kisame, tanghali na pero hindi pa rin ako bumabangon. Tumingin ako sa wrist watch ko.

1.30 pm.

Kung nandito lang si mama paniguradong pinagbabaril na ako ng sermon no'n.

Paborito pa naman na linya ni mama na "Gising mayaman ka na naman."

Umiling-iling ako at bumangon para mag hilamos at mag toothbrush. Pagkatapos ko bumaba agad ako.

"Lucas?" Mahina kong sabi.

Biglang lumingon si Lucas sa akin na nag aayos sa kusina.

Ang dami namang binili nito. Mukhang nag-grocery ang tang*.

"Oh gising ka na pala-"

"Paano ka nakapasok dito?" Ngumuwi siya sa akin.

Lumapit ako kay Lucas habang pinagmamasdan lahat ng dala niya.

"Ang ganda naman ng bungad mo wala bang pa "Good morning sa pinaka gwapong nilalang na si Lucas." mabilis kong binatukan nang malakas si Lucas.

Tanghaling-tanghaling tapat nagyayabang agad. Umupo ako at nakalumbaba.

"Inutusan lang ako na mag-grocery ni tita baka magpalipas ka raw ng gutom." Sabi niya sa akin at nilagay lahat ng mga de-lata sa cabinet.

"Tita?" Kunot noo kong tanong.

"Malamang tita mo alangan naman na tita ko eh hindi ka naman kilala." Biglang nagsalubong ang kilay ko sa sinabi niya.

Tarantad*.

Kahit kailan si Lucas ma stress lang ako malala kapag ito kasama ko imbes na mabawasan na dadagdagan lang.

"Alam mo, umuwi ka na." Bigla siyang humarap sa akin at nginitian ako nang malapad.

"No." Madiin niyang sabi.

Tatayo na sana ako nang may nilapag si Lucas sa lamesa.

Ramen?

"Ako nagluto niyan kaya dapat mong kainin 'wag kang mag-alala wala 'yang lason."

Tinalikuran niya ako at nag ayos ulit.

Mukhang masarap. Parang dito pa nagluto si Lucas ngayon ko lang kasi napansin na naka apron siya tapos ang daming hugasin sa lababo.

Kinuha ko agad ang niluto ni Lucas at tinikman.

Napatingin ako bigla kay Lucas.

Marunong pala 'to magluto akala ko puro kagaguh*n lang ang alam nito.

"Nabanggit sakin ni Zavier na matagal mo na raw gustong kumain niyan kaya nagluto ako." Natigilan ako sa kinakain ko dahil sa sinabi niya.

"N-nakausap mo si kuya?" Biglang tumigil si Lucas sa ginagawa niya.

Narinig ko siyang huminga nang malalim at umiling sa akin. Bagsak balikat ako sa reaction niya.

"Sorry."

"During our stay in Japan, he casually mentioned to me that you wanted to try the ramen." Tumango na lang ako sa sinabi niya at kumain na lang ulit.

Sinundan ko ng tingin si Lucas nang umupo siya sa harapan ko. Natulala ako sa sinabi niya

"Hindi natin masasabi kung ano talaga nangyari kay Zavier. Pero sana ihanda mo sarili mo. May imposible na hindi na natin siya makikita."